Pomada

Isang de-lata ng pomada na may tatak na Royal Crown Hair Dressing

Ang pomada ay isang sangkap na malangis, mapagkit, o gawang-tubig na ginagamit sa pag-istilo ng buhok. Karaniwan itong nagpapakintab at nagpapasuwabe sa buhok. Mas tumatagal ito kumpara sa karamihan ng mga produktong pambuhok, at madalas na nangangailangan ng ilang hugasan para matanggal nang buo. Sinangkapan ang mga pomada noong ika-18 at ika-19 na siglo ng taba ng oso o mantika. Sa mga modernong pomada, malimit ang paggamit ng lanolina, pagkit at halayang petrolyo. Sa paglagay ng pomada sa buhok, nagiging posible ang paghuhubog ng buhok sa mga istilo kagaya ng pompadour.