Queso blanco

Queso blanco
Isang plato ng Queso fresco
Rehiyon	Amerikang Latina
Pinagmumulan ng gatas	Baka
Mga midyang may kaugynayan sa Related media on Commons sa Wikimedia Commons

Ang queso blanco (pagbigkas sa wikang Kastila: [ˈkeso ˈβlaŋko]), na may literal na kahulugang kesong puti sa wikang Kastila, ay maaaring tumutukoy sa samu't saring uri ng keso na may puting kulay. Nakadepende sa rehiyon ang keso na tinutukoy nito.

Mga uri ayon sa rehiyon

Mehiko

Kapipigang queso fresco mula sa Mehiko na nasa ibabaw ng katsa

Sa lutuing Mehikano ang queso blanco ay gawa sa gatas ng baka, habang ang queso fresco (pagbigkas sa wikang Kastila: [ˈkeso ˈfɾesko]) ay maaaring gawin mula sa kombinasyon ng mga gatas ng baka at kambing. Natutunaw nang mabuti ang ilang uri ng ganitong keso, tulad ng kesong Oaxaca, pero lumalabot lang ang karamihan. Kung piniga, at mas maraming tubig ang inalis, nagiging queso seco ito. Minsan nabubuo ito sa pagpiga ng lagnaw mula sa kesong cottage.

Republikang Dominikano

Sa lutuin ng Republikang Dominikano, ang queso blanco ay matigas at maalat na keso na ginagamit sa pagpiprito: queso frito.

Pilipinas

Sa lutuing Pilipino, ang kesong puti ay gawa sa gatas ng kalabaw.

Portugal

Sa lutuing Portuges, ang queijo fresco (Bigkas sa wikang Portuges: [ˈkeijʒu ˈfɾeʃku]) ay tumutukoy sa kesong di-laon na banayad, malambot, makrema, at maputi na ginagamit sa buong Tangway ng Iberia. Sa Azores, inihahain ang queijo fresco kasama ng pimenta de terra, isang sarsa ng sariwang paminta.