Reader's Digest
 |
Tulungang mapabuti po ito sa pamamagitan ng pagdagdag ng mga pagsipi sa mga sangguniang mapagkakatiwalaan. Tandaan lamang po na maaari pong mapagdudahan at matanggal ang mga hindi beripikadong nilalaman. |
[[Talaksan:Readers Digest Logo.png
Ang Reader's Digest ay isang buwanang magasing pampamilya na may pang-pangkalahatang interes. Datapwat ang sirkulasyon ng nabawasan sa mga nagdaang mga taon, sinasabi pa rin ng Audit Bureau of Circulation na ang Reader's Digest pa rin ang nanatiling pinakamabentang magasin sa Estados Unidos, na may sirkulasyon na umaabot sa 10 milyong sipi sa Estados Unidos, at mga mambabasa na nasa 38 milyon na sinukat ng Mediamark Research (MRI). Ayon sa MRI, mas higit na naaabot ng Reader's Digest ang mga mambabasa na may kitang nasa $100,000+ kaysa sa pinagsamasamang mga mambabasa ng Fortune, The Wall Street Journal, Business Week at ng Inc.. Ang mga pandaigdigang edisyon ng Reader's Digest ay nakakaabot ng karagdagang 40 milyong kataong tagabasa mula sa mahigit 70 bansa, na may 50 edisyon sa 21 mga wika kasama na ang edisyon sa Wikang Kastila na tinatawag na Selecciones.
Ito rin ay nililimbag sa isang malaking-uring edisyon na tinatawag na Reader's Digest Malaking Printa, at pagmamay-ari at limbag ng The Reader's Digest Association.
Kasaysayan
[baguhin | baguhin ang wikitext]Naisip ni DeWitt Wallace ang isan ideya para sa isang magasin na naglalaman ng pinagsamasamang mga artikul mula sa mga tanyag na magasin habang nagpapagaling sa mga sugat mula Unang Digmaang Pandaigdig. Nilimbag ni DeWitt at ng kanyang asawang tubong-Canada na si Lila Wallace (ipinanganak na Lila Bell Acheson) ang unang isyu noong 5 Pebrero 1922, na sinimulan nila sa kanilang sariling tahanan. Ito ay makukuha sa pamamagitan ng sula sa halagang 25¢ bawat sipi. Ang magazine ay unang naisama sa mga tindahan ng mga pahayagan noong 1929. Ang sirkulasyon nito ay nalampasan ang markang 1,000,000 sipi noong 1935. Ang ika-10 bilyong sipi nito sa E.U. na edisyon nito ay nailimbag noong 1994, at ang ika-1,000 isyu nito sa E.U. ay ang edisyon noong 2005. Noong tag-araw ng 2005, ang edisyon pang E.U. ay ginamit ang slogan na, "AMERIKA SA INYONG BULSA."
Mga uri ng mga artikulo
[baguhin | baguhin ang wikitext]Ang Reader's Digest ay naglilimbag ng mga orihinal na mga artikulo, mga hango sa mga regular na aklat, mga artikulong kinuha sa ibang mga mapagkukuhaan, at mga pinapasang mga biro, anekdota at kasabihan. Sinasabi ng magasin na ito na ang kanilang adhikain ay para magpalaganap ng kaalaman, magpasaya at magpahanga. Ang mga artikulo sa Reader's Digest ay sumasakop sa malawak na uri ng mga paksa, mula sa popular na kultura at pangkasiyahan, politika at pamahalaan, kalusugan, ugnayang panlabas, kalakalan, edukasyon at katatawan. Ang mga artikulo ay sadyang maikli at siksik sa kaalaman. Ang karaniwang nilalaman ay kinabibilangan ng "Face to Face" o "Mukha sa Mukha", isang tampok na panayam mula sa isan sikat na artista o tanyag na tao, at "Kapangyarihan ng Salita ("Word Power"), isang pagsusulit ng talasalitaan.
Editoryal
[baguhin | baguhin ang wikitext]Ang modelong Reader's Digest ay naipakilala na sa maraming bansa sa buong daigdig. Iba't ibang mga edisyon ang sina-lokal na hindi nagpepresenta na ang magasin ay isang produktong Amerikano. Ang mga lokal na edisyon ng Reader's Digest ay pangkalahatang sumusubok na panatiling katulad ang karakter pang-Amerikano ng magasin.
Maliban sa mga iisang isyung paksa, ang mga isyu ay ay kahalintulad na istruktura. Halimbawa, may isang kuwentong paglalakbay, isang matagumpay na pangyayari sa isang buhay, isang panayam sa isang prominenteng artista, kasama rin ang mga ulat pangkalusugan, mga gawang pagsisiyasat, gawang katatawanan, at mga mahahabang tampok hango sa aklat.
Ang Digest ay may tatlong sonang pang-editoryal. Ang unahan ng aklat ay nagtatampok ng mga kolum at mga sangay na may mga malalimang pag-analisa o kaya naman ay mga personal na kuwento ng mga bayani, o ng iba pang mga tanyag. Ang katawan naman ng magasin ay naglalaman ng mga tampok na kuwento. Ang likurang bahagi naman ay naghahandog ng Pamumuhay RD (RD Living) ( isang maliit na magasin sa loob ng magasin). Ang lahat ng materyal ay orihinal, maliban lamang sa mga hango sa aklat.
Pandaigdigang pagtingin
[baguhin | baguhin ang wikitext]Ang mga sumusunod ay ang ilan sa mga pangunahing kahalagan at tema na matatagpuan sa Reader's Digest.
- Tagumpay ng isang indibidwal. Ang Digest ay kadalasang naglalaman ng kakayahan ng isang indibidwal. Sila ay lumalaban laban sa mga burokrata, at hindi patas na sistema; sinasa-alang alang nila ang kanila pansariling kaligtasan upang makatulong sa iba.
- Pagiging positibo. Datapwat maraming mga gawang patungkol sa terorismo, pananakot sa mga bata at ibang ulat sa mga krimen at hindi magandang pag-uugali, ang mga artikulo ay naglalayong paring makita ang pinakamaganda sa sangkatauhan, kasama ang mga tagumpay sa mga personal na kuwento.
- Pagpapahalaga sa Pamilya. Kahit na ang Digest mula pa lang sa simula pa lamang ay nagsusulat na ng bukas tungkol sa mga isyung sekswalidad, pagpapalaglag, euthanasia, pagaabuso sa mga bata, at ng iba pang mga paksang kontrobersiyal, ito pa rin ay nakikitang magasin na pampamilya, para sa interes ng kabataan at ng mga matatanda. Ang mga magagaspang na salita na kadalasang lumalabas sa ibang mga publikasyon ay wala sa Digest. Sa simula pa lamang, ang magasin ay lumalaban sa paninigarilyo at pagtotobako.