Tagagamit:ADRIANO DC. BALAGOT/burador

PROF. ADRIANO DELA CRUZ BALAGOT Pamantasan ng Lungsod ng Marikina

Pasado na sa Komprehensibong Pagsusulit para digring Doktor sa Pilosopiya sa Araling Filipino - Wika, Kultura at Midya (Ph.D in Philippine Studies - Language, Culture and Media w/ scholarship grant) sa De La Salle University, Manila.

Agosto 31, 2011, ginawaran ng Komisyon sa Wikang Filipino ng Karangalang Katangi-tanging Guro at Tagpagtaguyod ng Wika na ipinagkaloob sa Bayview Park Hotel, Ermita, Maynila.

Tumanggap ng Certificate of Commendation mula sa Office of the Presidential Adviser on Peace Process nang taong 2009 bilang isa mga mananaliksik na matagumpay na naisakatuparan ang pag-aaral hinggil sa mga sumusunod na paksa: Good Practices and Lessons Learned on Peace Building in CPP/NPA/NDF Areas; Integrating Peace Building in Local Government Process; at Community Peace and Development Assessment and Agenda Building na magkatuwang na itinaguyod ng United Nations Development Project at Republika ng Pilipinas.

May ranggong Associate Professor 1 at humawak ng sumusunod na mga posisyon sa Pamantasan ng Lungsod ng Marikina: Dekano ng Kolehiyo ng Artes at Syensiya, Direktor ng Sentrong Pangkultura at Sining at Puno ng Kagawaran ng Filipino.

Masugid na Tagapagtaguyod ng mga libreng seminar/komperensiyang pangwika, pampanitikan, pilosopiya at pamamahalang pang-organisasyon sa antas lokal, rehiyonal at pambansa mula taong 1996 hanggang sa kasalukuyan.

Dalawang ulit na pinagkalooban ng Katibayan ng Pagkilala ng Wika Ink. at Wika Kabataan na nakabase sa Unibersidad ng Pilipinas dahil sa matagumpay na pagtataguyod ng mga Komperensiyang Rehiyonal na may kaugnayan sa pagsusulong ng Wikang Pambansa (2010 at 2011).

Tumanggap din ng iba’t ibang parangal sa larangan ng pagtuturo kasama na rito ang pagiging “Outstanding Professor/Teacher, Academic at Cultural Leader”.

Naging editor ng iba’t ibang babasahin, isa sa mga manunulat ng librong Sining ng Komunikasyong Panlipunan:Teorya at Praktika, Komunikasyon sa Akademikong Filipino, MUHON at kasalukuyang tinatapos ang manuskrito ng iba pang mga aklat kabilang na rito ang “The Pearl Within”.

Isa sa mga punong tagapagtatag ng ALYANSA NG MGA MANGGAGAWANG PANGKULTURA SA BUONG NCR AT KARATIG POOK na nakabase sa Uniberidad ng Pilipinas, at iba pang pilosopikal, pangwika, pang-akademiko at pangkulturang samahan at naging pinuno at tagapayo ng iba’t ibang samahang pangwika, pampanitikan at kultura at Punong Tagapagtatag at Kasalukuyang Pangulo ng DAMLAY Ink. (Pambansang Samahan ng mga Nagpapahalaga sa Wika, Panitikan, Kultura at Kalikasan..

Naging delegado, tagapagsalita, nakadalo at nakapagbahagi ng papel sa iba’t ibang kumperensiya at seminar sa larangan ng pilosopiya, wika at edukasyon sa antas lokal, nasyonal at internasyonal.

Nagsilbing hurado sa mga lokal at rehiyonal na patimpalak.

Dating Propesor, Puno ng CMRA-PUP at Ka-Tagapangulo ng Komite sa Pananaliksik ng Kolehiyo ng mga Wika at Lingguwistika ng Politeknikong Unibersinidad ng Pilipinas. Nagturo rin at naging puno ng iba't ibang tanggapan sa Pamantasan ng Montalban, Commonwealth High School at Our Lady of Perpetual Succor College.

Nagtapos ng kursong AB Filipino na isang academic scholar at pinarangalan bilang natatanging gurong mag-aaral nang taong 1992 sa Politeknikong Unibersidad ng Pilipinas, sa naturang unibersidad din natamo ang titulong Pantas sa mga Sining ng Filipino, taong 2011.

Tinapos ang sekondaryang pag-aaral sa Don Timoteo Paez Integrated School sa Tundo, Maynila, taong 1987 at ang elementarya naman ay sa San Rafael Elementary School, Montalban, Rizal taong, 1983.