Pumunta sa nilalaman

Trak

Mula sa Wikipedia, ang malayang ensiklopedya
Isang Freightliner M2 dump truck
Isang Mack Titan road train sa Australia
Isang Liebherr T 282B hybrid electric mining truck
Isang Mitsubishi Minicab MiEV battery-electric truck

Ang trak ay isang sasakyang de-motor na idinisenyo upang magdala ng mga iba’t ibang klase ng kargamento. Maraming klase ng trak at malaki ang pagkakaiba-iba ng mga ito sa laki, at kapasidad, pero ang karamihan ay nagtatampok ng body-on-frame construction.[1]

Mga Karaniwang Uri Ng Katawan Ng Trak[baguhin | baguhin ang wikitext]

Box Trak[baguhin | baguhin ang wikitext]

Ang box trak ay uri ng katawan ng trak na may dingding at bubong. Meron itong tiyak na espasyo para sa mga kargamento. Ang mga box trak ay may pintuan sa likod para mas madali ang pagbaba ng kargamento.

Tsasis Kab[baguhin | baguhin ang wikitext]

Ang tsasis kab ay may nakasaradong parte sa unahan at may mga hubad na tsasis frame-rail sa likod. Sa tsasis ikakabit ang box para maging lagayan ng mga kargamento. Ilan halimbawa nito ay trak ng bumbero o katawan ng ambulansya.

Panghalo ng Semento[baguhin | baguhin ang wikitext]

Ang trak panghalo ng semento ay may umiikot na dram sa isang nakahilig na aksis. Ang dram ay umiikot sa isang direksyon para haluin ang kongkreto. Dahil sa bigat at kapangyarihan na kinakailangan ng katawan ng dram, dapat matibay at malakas ang trak.

Dump Trak[baguhin | baguhin ang wikitext]

Ang dump trak ay ginagamit para mag karga ng materyal pang panggawa o pangtayo ng gusali tulad ng buhangin o graba. May iba na ginagamit rin ito pang hakot ng basura. Ang isang tipikal na dump trak ay may bukas na likuran, na nakabitin sa likuran at umaangat sa harap, na nagpapahintulot sa materyal na maibaba sa lupa.

Malamig na Trak[baguhin | baguhin ang wikitext]

Ang malamig na trak ay may entrepanyo na insulated sa dingding, bubong at sahig. Ang pagiging insulated niyo ay importante para sa pagdadala ng mga sariwa at na kargamento tulad ng sorbetes, pagkain, gulay, at mga gamot. Ang disensyo ng karamihan sa mga ito ay may pintuan sa likuran para sa mas madaling pag pasok at labas ng karga.

Mga Sikat na Tatak ng Trak sa Pilipinas[baguhin | baguhin ang wikitext]

Noong 2021, ang Isuzu ay ang nangungunang tatak ng trak sa Pilipinas, na may humigit-kumulang 4,427 na mga yunit na naibenta.[2]Pumangalawa ang Hino, na may kabuuang 2,729 na trak na naibenta sa parehas na taon. Sa pangkalahatan, ang industriya ng traking sa bansa ay nakakita ng bahagyang paglago sa mga benta ngayong taon kumpara sa nakaraang taon.[3]

Mga sanggunian[baguhin | baguhin ang wikitext]