Wikang Piamontes

Ang Piamontes o Piedmontese (Ingles /ˌpiːdmɒnˈtiːz/ PEED-mon-TEEZ; autonimo: piemontèis [pjemʊŋˈtɛjz] o lenga piemontèisa; Italyano: piemontese) ay isang wikang sinasalita ng mga 2,000,000 katao karamihan sa Piamonte, isang rehiyon ng Hilagang-kanlurang Italya. Bagaman itinuturing ng karamihan sa mga lingguwista na isang hiwalay na wika, sa Italya ito ay madalas na maling itinuturing bilang isang Italyanong diyalekto. Ito ay lingguwistikong kasama sa pangkat ng mga wikang Galoitaliko ng Hilagang Italya (kasama ang Lombardo, Emiliano, Ligur, at Romañol), na gagawin itong bahagi ng mas malawak na kanlurang pangkat ng mga wikang Romansa, na kinabibilangan din ng Pranses, Oksitano, at Catalan. Ito ay sinasalita sa pusod ng Piamonte, sa hilagang-kanluran ng Liguria, malapit sa Savona, at sa Lombardia (ilang munisipalidad sa pinakakanlurang bahagi ng Lomellina malapit sa Pavia).

Mayroon itong suporta mula sa pamahalaang pangrehiyon ng Piamonte ngunit itinuturing na isang diyalekto sa halip na isang hiwalay na wika ng pamahalaang sentral ng Italya.

Dahil sa diasporang Italyano, kumalat ang Piamontes sa Arhentinang Pampas, kung saan nanirahan ang maraming imigrante mula sa Piamonte. Ang wikang Piamontes ay sinasalita din sa ilang estado ng Brazil, kasama ang wikang Veneciano.

Karagdagang pagbabasa

• Zallio, A. G. (1927). "The Piedmontese Dialects in the United States". American Speech. 2 (12): 501–4. doi:10.2307/452803. JSTOR 452803.

Mga panlabas na link

• Piedmontese language sa Curlie
• Cultural Association "Nòste Rèis": features online Piedmontese courses for Italian, French, English, and Spanish speakers with drills and tests
• Piemunteis.it - Online resources about piedmontese language: poems, studies, audio, free books
• Piemontese basic lexicon (several dialects) at the Global Lexicostatistical Database
• Omniglot's entry on Piedmontese