Wikipedia:Sampung taon ng Wikipediang Tagalog/Mga personal na kuwento
Hindi posible ang pagbuo ng isang kalipunan ng impormasyon tulad ng Wikipedia sa kilos ng isang tao lamang, o kahit ng iilan. Mismo ang pamayanan sa likod ng Wikipedia ang nagbibigay-kahulugan sa proyekto bilang isang kolektibong tagumpay para sa pagtataguyod at pagpapausbong ng kaalamang nagsisilbing susi sa mundong nasa labas ng ating kamalayan. Ito ang ilan sa mga kuwento ng mga Wikipedistang nag-alay ng kanilang oras, kanilang kaalaman at, higit sa lahat, kanilang sarili, sa pagpapatupad ng misyon ng Wikipedia na gunitain ang isang mundo kung saan malayang makakabahagi ang bawa't isang tao sa kalahatan ng lahat ng kaalaman.