Yurihonjō

Yurihonjō 由利本荘市
Lungsod
Gusaling Panlungsod ng Yurihonjō
Watawat Sagisag
Kinaroroonan ng Yurihonjō sa Prepektura ng Akita
Yurihonjō
Mga koordinado: 39°23′9.1″N 140°2′55.8″E
Bansa	Hapon
Rehiyon	Tōhoku
Prepektura	Akita
Lawak
• Kabuuan	1,209.60 km2 (467.03 milya kuwadrado)
Populasyon  (Enero 2020)
• Kabuuan	76,077
• Kapal	63/km2 (160/milya kuwadrado)
Sona ng oras	UTC+9 (Pamantayang Oras ng Hapon)
Puno	Zelkova serrata
Bulaklak	Sakura
Bilang pantawag	0184-24-3321
Adres	17 Ozaki Yurihonjō-shi, Akita-ken 015-8501
Websayt	Opisyal na websayt

Ang Yurihonjō (由利本荘市, Yurihonjō-shi) ay isang lungsod na matatagpuan sa Prepektura ng Akita, Hapon. Magmula noong 31 Enero 2020 (2020 -01-31), may tinatayang populasyon na 76,077 katao ang lungsod sa 30,639 mga kabahayan, at may densidad na 63 tao sa bawat kilometro kuwadrado. Ang kabuoang lawak ng lungsod ay 1,209.60 square kilometre (467.03 mi kuw).

Kasaysayan

Ang lugar ng kasalukuyang Yurihonjō ay bahagi ng sinaunang Lalawigan ng Dewa na pinangibabaw ng angkang Mogami noong panahong Sengoku. Sa ilalim ng kasugunang Tokugawa, napunta ang bahagi ng lugar sa paghawak ng Dominyong Honjō, Dominyong Kameda at Dominyong Yashima, kalakip ang isang napakaliit na bahaging nasa tuwirang pamumuno ng kasugunan (tenryō). Pagkaraan ng pasimula ng panahong Meiji, naging bahagi ito ng Distrito ng Yuri, Prepektura ng Akita noong 1878, at binuo ang bayan ng Honjō kasabay ng pagtatag ng makabagong sistema ng mga munisipalidad. Ginawaran ito ng katayuang panlungsod noong Marso 31, 1954.

Itinatag ang kasalukuyang lungsod ng Yurihonjō noong Marso 22, 2005, mula sa pagsasanib ng lungsod ng Honjō at mga bayan ng Chōkai, Higashiyuri, Iwaki, Nishime, Ōuchi, Yashima at Yuri (lahat mula sa Distrito ng Yuri). Kasunod nito, ang bagong lungsod ng Yurihonjō ay may 126 mga kinatawan sa bagong asambleang panlungsod nito, mas-marami sa kabuoan ng Tokyo.

Heograpiya

Matatagpuan ang Yurihonjō sa timog-kanlurang sulok ng Prepektura ng Akita, at hinahangganan ito ng Dagat Hapon sa kanluran at Prepektura ng Yamagata sa timog. Pinakamalaking munisipalidad ito ng Prepektura ng Akita batay sa lawak ng lupa, na sumasaklaw sa humigit-kumulang ikasmpung bahagi ng teritoryo ng prepektura, o humigit-kumulang kalahati ng lawak ng Prepektura ng Kanagawa. Bahagi ng lungsod ay nasa mga hangganan ng Chōkai Quasi-National Park.

Kalapit na mga munisipalidad

Prepektura ng Akita

• Akita
• Nikaho
• Daisen
• Yuzawa
• Yokote
• Ugo

Prepektura ng Yamagata

• Sakata
• Yuza
• Mamurogawa

Demograpiya

Ayon sa datos ng senso sa Hapon, naabot ng Yurihonjō ang pinakamataas na populasyon nito noong dekada-1950, at bumababa na ito mula noon.

Historical population

Taon	Pop.	±%
1920	76,001	—
1930	84,681	+11.4%
1940	89,937	+6.2%
1950	109,672	+21.9%
1960	109,032	−0.6%
1970	95,428	−12.5%
1980	95,748	+0.3%
1990	95,489	−0.3%
2000	92,843	−2.8%
2010	85,230	−8.2%

Mga ugnayang kapatid na lungsod

• - Vác, Hungary, mula noong Setyembre 25, 1996
• - Yangsan, Timog Korea, mula noong Oktubre 10, 1998
• - Wuxi, Republikang Bayan ng Tsina, mula noong Hulyo 6, 2001

Mga kawing panlabas

Gabay panlakbay sa Yurihonjō mula sa Wikivoyage

• Opisyal na Websayt (sa Hapones)