Zaha Hadid

Zaha Hadid
Si Hadid noong 2012
Kapanganakan	31 Oktubre 1950(1950-10-31)
Nagtapos	American University of Beirut Architectural Association School of Architecture

Si Dame Zaha Mohammad Hadid DBE  ( Arabe: زها حديد‎ </link> Zahā Ḥadīd ; ay isinilang noong 31 Oktubre 1950 at namatay noong 31 Marso 2016. Sya ay isang Iraqi-British na arkitekto, pintor at taga-disenyo, na kinilala bilang isang pangunahing pigura sa larangan ng arkitektura sa huling bahagi ng ika-20 at unang bahagi ng ika-21 na siglo. isinilang sya sa Baghdad, Iraq, Si Hadid ay nag-aral ng matematika, pagkatapos ay nagpatala sa isang asosasyong pang arkitektura sa paaralan noong 1972. Sa paghahanap ng alternatibong sistema sa tradisyonal na pagguhit at arkitektura, Sya ay naimpluwensyahan ng Supratismo at ng modernismo sa Russia, pinagtibay ni Hadid ang pagpipinta bilang gamit sa disenyo at abstraksyon bilang isang prinsipyo upang "muling imbestigahan ang mga hindi natuloy at hindi pa nasubok na mga eksperimento ng Modernismo [...] upang ipakilala ang mga bagong estilo sa paggawa ng mga gusali".

Siya ay inilarawan ng The Guardian bilang "Reyna ng mga Kurba", na "nagpalaya ng heometriya ng arkitektura, nagbigay at nagpahayag ng isang bagong pagkakakilanlan". Kasama sa kanyang mga pangunahing gawa ang London Aquatics Center para sa 2012 Olympics, ang Broad Art Museum, ang MAXXI Museum ng Rome, at ang Guangzhou Opera House. Ang ilan sa kanyang mga parangal ay naibigay matapos syang pumanaw, kabilang ang isang rebolto para sa 2017 Brit Awards. Sa ilang mga parangal at parangal sa kanyang pangalan, naitala rin siya sa listahan ng Forbes noong 2013 bilang isa sa "Pinaka-makapangyarihang babe sa Mundo" Ilan sa mga gusaling kanyang dinisenyo ay itinatayo pa nang sya ay mamatay, kabilang ang Daxing International Airport sa Beijing, at ang Al Wakrah Stadium (ngayon ay Al Janoub) sa Qatar, isang lugar para sa 2022 FIFA World Cup.