Boro

Ang boro (mula sa Ingles na borough, bigkas: /bo-row/) ay isang kahatiang administratibo sa sari-saring mga bansa. Sa prinsipyo, tumutukoy ang boro sa isang bayang namamahala ng sarili bagaman, sa aktuwal na pagpapalakad, malawakan ang pagkakaiba-iba sa opisyal na paggamit ng salita. Sa Estados Unidos, katumbas o kahalintulad ito ng isang bayan o munisipyo.

Noong mga panahong midyibal, mga maliit na pamayanan ang mga boro na may ilang kakayahang mamahala ng sarili. Partikular na pangkaraniwan ang mga boro sa Inglatera, Alemanya, at Eskosya. Sa Inglatera midyibal, mayroon ding karapatan ang mga borong maghalal ng mga kasapi ng parlamento. Pinaniniwalaang ang The Borough o "Ang Boro" sa Southwark, Londres ang orihinal na borong pinagmulan ng lahat ng iba pang mga sumunod na boro.

Sa kalimitan, isang isang bayan ang isang boro na may sariling pamahalaang lokal. Subalit, sa ilang mga lungsod, isa itong kabahaging kahatian o subdibisyon ng isang lungsod, katulad ng Londres, Bagong York, Toronto, Montreal, at iba pa.) Sa ganitong mga kaso, normal na may limitadong kapangyarihan nakalaan sa mga ito, na nagmula sa pamahalaang pampook ng lungsod, o wala silang kahit na anumang mga kapangyarihan. Sa ilang partikular na mga panahon, hindi nagkaroon ang Londres ng pamahalaan na para sa pangkabuoan ng lungsod, at ang mga boro ang pinakapangunahing bahagi o yunit ng pamahalaang lokal para sa mga Londonero o taga-Londres.

Sa ibang mga lugar, katulad ng Alaska, hindi nangangahulugan ang boro ng pagiging isang kabayanan, kundi isang buong rehiyon. Sa Australya, nangangahulugan itong isang bayan na kasama ang nakapaligid na pook, katulad ng Boro ng Queenscliffe.

Umiiral ang mga boro sa Nagkakaisang Kaharian, partikular na sa Inglatera at Hilagang Irlanda, sa Kanadyanong mga lalawigan ng Quebec, sa ilang mga estado ng Estados Unidos, sa Israel, at dating umiiral rin sa Bagong Selanda.

Mga sanggunian

Ang lathalaing ito na tungkol sa Heograpiya ay isang usbong. Makatutulong ka sa Wikipedia sa pagpapalawig nito.