Hera

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Si Hera.

Si Hera ay ang kapatid na babae at asawa ni Zeus, ayon sa mitolohiyang Griyego. Siya ang Reyna ng mga diyos, at tinaguriang diyosa ng kasal o pakikipag-isang-dibdib.[1][2] Madalas na ikagalit at ipagselos ni Hera ang palagiang pagkakaroon ng pakikipag-ugnayan ni Zeus sa ibang kababaihang mga diyosa at tao, na nagkakaroon ng mga supling dahil kay Zeus.[1][2] Inalalayan niya ang mga Griyego sa kanilang pakikipagdigma laban sa mga Troyano. Tinatangkilik niya ang mga lungsod ng Misenea, Isparta, at Argos. Tinatawag siyang Juno o Huno sa mitolohiyang Romano.[1] Sa mitolohiyang Etruskano, siya si Uni.

Nangangahulugang ang katawagang Hera para sa kaniya ng "luningning ng kalangitan" o "dilag"[3][2]

Bukod sa mga lungsod, may paborito rin siyang mga hayop: ang paboreal at ang baka.[2]

Bilang Reyna ng mga diyos, katangian niya ang kagandahan at pagiging mapagmalaki. Nagsusuot siya ng ginintuang mga sandalyas, at may ginintuang trono.[2]

Mga sanggunian[baguhin | baguhin ang batayan]

  1. 1.0 1.1 1.2 Kleiner, Fred S. at Christin J. Mamiya. (2005). "Hera, Juno". Gardner's Art Through the Ages, ika-12 edisyon. Wadsworth/Thomson Learning, Kaliporniya, ISBN 0155050907., pahina 107.
  2. 2.0 2.1 2.2 2.3 2.4 "Hera, Juno". The New Book of Knowledge (Ang Bagong Aklat ng Kaalaman), Grolier Incorporated. (1977)., pahina 357.
  3. Salin ng Ingles na: splendor of heaven at lady.


Usbong Ang lathalaing ito ay isang usbong. Makatutulong ka sa Wikipedia sa pagpapalawig nito.