Panganganak

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Ang Unang Panganganak, isang litograpong Austriyano, sirka 1850.
Larawan ng isang sanggol na kaluluwal pa lamang.

Ang panganganak, pagsisilang, pagluluwal, o parturisyon (Ingles: childbirth, labor, labour, birth, partus, o parturition) ay ang kulminasyon o wakas ng panahon ng pagdadalangtao o pagbubuntis ng babaeng tao na pinaglalabasan ng isa o marami pang bagong-silang na sanggol mula sa sinapupunan ng isang babae. May tatlong yugto ang pagluluwal sa bata: ang pag-ikli at pagluwang ng sipit-sipitan, pagbaba at paglabas ng sanggol, at ang pagsisilang sa inunan.[1]. Sa ilang mga kaso, naisasagawa ang pagpapaanak sa pamamagitan ng paghiwang sesaryano, ang pagtatanggal ng neonado o sanggol sa pamamagitan ng isang hiwang pangsiruhiya sa puson, sa halip na sa pamamagitan ng panganganak na dumaraan sa puke.

Kaugnay ng Hudaismo, ayon sa Batas ni Moises, itinuturing na hindi malinis ang isang inang nagluwal ng sanggol kaya't dapat itong lumigpit o manatili sa bahay sa loob ng apatnapung mga araw  – na nagiging walumpu kapag babae ang sanggol na ipinanganak. Pagkaraan ng pananatili sa tahanan, aahon o pupunta sa templo ang ina upang maghandog ng ipinag-uutos na alay.[2]

Tingnan din[baguhin]

Mga sanggunian[baguhin]

  1. The Columbia Encyclopedia, ika-6 na edisyon, Palimbagan ng Pamantasan ng Columbia, 2006.
  2. Abriol, Jose C.. (2000). "Inang nagluwal ng sanggol". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077., talababa 22, pahina 1514.



TaoBiyolohiya Ang lathalaing ito na tungkol sa Tao at Biyolohiya ay isang usbong. Makatutulong ka sa Wikipedia sa pagpapalawig nito.