Air Defense Identification Zone

Mula sa Wikipediang Tagalog, ang malayang ensiklopedya
Jump to navigation Jump to search
Air Defense Identification Zone ng Hapon (bughaw) at Tsina (rosas)

Ang Air Defense Identification Zone (ADIZ) ay ang himpapawirin sa ibabaw ng kalupaan at katubigan kung saan ang pagkakakilanlan, kinaroroonan, at kontrol ng isang sibilyang aircraft ay kinakailangan sa interes ng pambansang seguridad.[1] Higit ang lawak nito sa himpapawiring sakop ng isang bansa upang bigyan ng karagdagang panahon ang isang bansa na makatugon kung saka-sakaling sa dayuhang kalaban ang isang aircraft.[2] Ang kapangyarihang magtatag ng ADIZ ay hindi iginagawad ng isang pandaigdigang tratado o ipinagpapabawal ng pandaigdigang batas, at walang pandaigdigang lupon ang namamahala nito.[2][3]

Itinatag ng Estados Unidos ang unang ADIZ pagkatapos na pagkatapos ng Ikalawang Digmaang Pandaigdig. Makaraan ang naganap na insidente noong Setyembre 11, 2001, kung saan ginamit ang komersiyal na sibilyang aircraft upang makapangwasak nang malawakan, nakita ang kahalagahan ng ADIZ bilang isang pamamaraan upang maghanda o makontrol ang isang dayuhang aircraft sa pagpasok sa kanilang teritoryo. Sa ngayon, may 20 bansa at rehiyon na ang may naturang sona, ang Canada, India,[4] Hapon, Pakistan, Norway at United Kingdom, Republikang Bayan ng Tsina, Timog Korea, Taiwan, Estados Unidos, Sweden, Iceland at iba pa. Ang Rusya at Hilagang Korea ay may mga kani-kanila ring di-opisyal na ADIZ.[1][2][5] Karaniwang sinasakop lamang ng mga naturang sona ang mga di-pinagtatalunang teritoryo, hindi rin nito sinasaklaw ang mga dayuhang aircraft na walang balak na pumasok sa himpapawiring nasasakupan ng isang bansa, at hindi rin ito nagsasapawan.[3][6]

Hindi dapat ikalito ang Air defense zones sa mga Flight Information Region (FIR) na ginagamit upang pangasiwaan ang trapiko sa himapapawid.[1] Iba ang FIR sa kadahilanan na ito ay ang mga itinatag na lugar upang mapadali ang trapiko sa himpapawid at upang pangasiwaan din ito.[7]

Talasanggunian[baguhin | baguhin ang batayan]

  1. 1.0 1.1 1.2 Abeyratne, Ruwantissa (March 2012). "In search of theoretical justification for air defence identification zones" (PDF). Journal of Transportation Security. Springer US. 5 (1): 87–94. doi:10.1007/s12198-011-0083-2. ISSN 1938-775X.
  2. 2.0 2.1 2.2 Page, Jeremy (Nov 27, 2013). "The A to Z on China's Air Defense Identification Zone". The Wall Street Journal. Hinango noong 29 November 2013.
  3. 3.0 3.1 "Air Defense Identification Zone" Check |url= value (tulong). GlobalSecurity.Org. Hinango noong 29 November 2013.
  4. "Navy Closely Watching China Claims". New Indian Express. 7 December 2013. Hinango noong 7 December 2013.
  5. Jane Perlez (27 November 2013), China Explains Handling of B-52 Flight as Tensions Escalate The New York Times
  6. Rick Gladstone and Matthew L. Wald (27 November 2013), China’s Move Puts Airspace in Spotlight The New York Times
  7. Ruwantissa Abeyratne, [1], Air Navigation, 2012