Aklatan ni Ashurbanipal

Aklatan ni Ashurbanipal

Aklatan ni Ashurbanipal sa British Museum
Itinatag	ika-7 siglo BCE
Lokasyon	Nineveh, kabisera ng Asirya
Koleksyon
Laki	higit 30,000 sa tabletang kuneiporma

Ang Makaharing Aklatan ni Ashurbanipal na ipinangalan kay Ashurbanipal na hari ng Imperyong Neo-Asirya ay isang kalipunan ng higit sa 30,000 tabletang putik at mga pragmentong teksto ng lahat ng uri. Ito ay nagbibigay sa mga modernong historyan ng impormasyon tungkol sa mga kultura at kasaysayan sa Sinaunang Malapit na Silangan. Ito ay tinawag niH. G. Wells na "pinakamahalagang sanggunian ng materyal na pangkasaysayan sa mundo." Ang aklatan ay natagpuan sa lugar ng Kouyunjik (sinaunang Nineveh na kabisera ng Asirya sa hilagang Mesopotamiya sa modernong Iraq..

Aklatan ng haring Asiryong si Ashurbanipal

Ang haring Asiryo na si Ashurbanipal ay kilala sa pagtitipon ng mga teksto at tableta sa Aklatan ni Ashurbanipal. Sa pagtitipon ng mga teksto sa kanyang aklatan, sumulat siya sa mga lungsod at sentro ng pagkatuto sa buong Mesopotamiya na nag-utos sa kanila na magpadala ng mga kopya ng lahat ng mga akdang isinulat rehiyon.. Bilang aprentis na iskriba, pinag-aralan niya ang mga Wikang Akkadiyo at Wikang Sumeryo. Nagpadala siya ng mga iskriba sa bawat rehiyon ng Imperyong Neo-Asirya upang magtipon ng mga sinaunang teksto. Humirang siya ng mga iskolar at iskriba upang kopyahin ang mga teksto mula sa mga sangguniang Babilonyo. Ito ay naglalaman ng 30,000 tableta at teksto at kabilang sa aklatan ang mga kilalang panitikan na Epiko ni Gilgamesh, mito ng paglikha na Enûma Eliš, kuwento ng unang tao na si Adapa at Mahirap na tao ng Nippur.

Mga mahahalagang tableta at silindro

• Azekah Inscription
• Esarhaddon's Treaty with Ba'al of Tyre
• Nimrud Tablet K.3751
• Sargon II's Prism A
• Venus tablet of Ammisaduqa
• Epiko ni Gilgamesh
• Enûma Eliš
• Rassam cylinder
• K.3364

Tablets and cylinders from the Royal Library

• 
  Tableta na naglalaman ng Dakilang Baha ng Epiko ni Gilgamesh
• 
  "Venus Tablet of Ammisaduqa" na may mga hulang astrolohikal. British Museum reference K.160 ng Museong Britaniko.
• 
  Tableta ng mga synonim. British Museum reference K.4375 ng Museong Britaniko.
• 
  Ang Rassam cylinder ni Ashurbanipal, British Museum.
• 
  Prism ni Sennacherib na naglalaman ng kanyang mga pagsalakay na humantong sa pagkawasak ng Babilonya. British Museum BM 91032.