Australian Open

Ang Australian Open ay isa sa apat na Grand Slam na torneo ng larong tenis. Taon-taong idinaraos ang torneo magmula nang ito'y sinimulan noong 1905 at huling namang naglaro sa damo ang mga pagtutunggali noong 1987. Simula 1972, ito'y ginaganap sa Melbourne, Victoria. Noong 1988, naging hard court event na ang nasabing torneo. Sa kasalukuyan, dinaraos ito sa Melbourne Park. Ginaganap ang torneo sa Melbourne tuwing tag-init sa Australia sa huling dalawang linggo ng buwan ng Enero. Nagpapatupad ng extreme-heat policy kapag umaabot na sa mapanganib na antas ang temperatura.

Ang dalawang pangunahing pinaglalaruan ng torneo ay ang Rod Laver Arena at John Cain Arena na may mga bubungang naiuurong at isinasara tuwing umuulan o sa tuwing matindi ang init. Ang Australian Open at Wimbledon lamang sa mga torneong Grand Slam ang may laro sa looban. Noong 2008, ang sahig na Rebound Ace na ginagamit na sa loob ng 20 taon sa Melbourne Park ay pinalitan ng almohado at katamtamang-bilis, na acrylic na sahig na tinatawag na Plexicushion Prestige. Tanging sina Roger Federer at Serena Williams ang mga manlalarong nanalo sa Australian Open sa parehong Rebound Ace at Plexicushion Prestige. Ang kainaman ng bagong sahig na ginagamit ay pagigingkonsistent nito at kaunting init lang ang pinapanatili nito, sanhi ng mas manipis na pang-ibabaw na suson nito. Kaakibat ng pagapapalit na ito, ang pagpapalit din ng lahat ng sahig ng mga torneong tinanghal-patungo sa Australian Open. Naging kontrobersiyal ang pagpapapalit ng sahig dahil kagaya nito ang DecoTurf na ginagamit ng US Open.

Gaya ng iba pang torneong Grand Slam, may mga kompetisyong panlalake at pambabae na pang-isahan, pandalawahan, magkahalong dalawahan; at junior's, wheelchair, ekshibisyon, at legends' competitions.