Bayang Barrios
Bayang Barrios | |
|---|---|
.jpg) Si Bayang Barrios noong 2025 | |
| Kabatiran | |
| Pangalan noong ipinanganak | Junelie Otero Barrios |
| Kilala rin bilang | Bayang Barrios |
| Kapanganakan | 12 Hunyo 1968 |
| Pinagmulan |  Agusan del Sur, Pilipinas |
| Genre | Folk |
| Trabaho | Mang-aawit at manunulat ng awit |
| Instrumento | Boses |
| Taong aktibo | 1988 – kasalukuyan |
| Websayt | https://www.bayangbarrios.com/ |
Si Junelie Otero Barrios (ipinanganak noong Hunyo 12, 1968), mas kilala bilang Bayang Barrios ay isang Pilipinang mang-aawit, nag-aakda ng mga awit, guro, artista sa teatro, taga-disenyo, at tagapagtaguyod ng kapayapaan.[1]
Personal na buhay
[baguhin | baguhin ang wikitext]Isang Manobo si Junelie Otero Barrios o higit na kilala sa tawag na Bayang Barrios. Siya ay nagmula sa Agusan del Sur.[2] Matagal nang nakagawian ng mga miyembro ng tribong Manobo na ibigay sa kanilang anak bilang palayaw ang unang salitang maririnig ng ina habang ito'y nanganganak. Dahil ipinanganak si Barrios noong ika-12 ng Hunyo 1968, ang kanyang naging palayaw na Bayang ay hango sa unang salita ng pambansang awit ng Pilipinas na "Lupang Hinirang."[2][3]
Minsang tinalikuran ni Barrios ang kanyang katutubong pinagmulan dahil sa trauma na dala ng diskriminasyon noong siya'y bata pa lamang. Bihira niyang banggitin ang kanyang pinagmulan. Nag-aral siyang mabuti at naging guro.[1]
Ikinasal si Bayang Barrios kay Mike Villegas na isa ring musikero at prodyuser.[1] Nagkaroon sila ng anak na si Mayumi na may hilig din sa pagkanta.[2]
Alagad ng sining ng musika
[baguhin | baguhin ang wikitext]Sumali si Barrios sa banda ni Joey Ayala na Ang Bagong Lumad at nilibot nila ang Pilipinas at mundo sa halos dalawampung taon upang ipakilala ang katutubong musika, instrumento, at sayaw.[1]
Nanalo si Barrios sa Metropop Music Festival para sa kanyang kantang "Malayo Man, Malapit Din" noong 2003. Natanggap din niya ang Lorenzo Ruiz Award for Music na iginawad ng Catholic Mass Media Awards noong 1997 para sa kanyang "Bayang Makulay", kung saan siya ay personal na ginawaran ng yumaong Cardinal Jaime Sin.[1]
Ipinagdiwang ni Barrios ang kanyang ika-35 taon sa industriya ng musika sa pamamagitan ng kanyang unang solo na konsiyerto na may pamagat na "Bayang Barrios: Katutubong Diva" na ginanap noong Mayo 6, 2023 sa Tanghalang Ignacio Gimenez ng Sentrong Pangkultura ng Pilipinas.[1][4]
Naging popular ang kanyang mga kantang "Malayo Man, Malapit Din," "Pag Nananalo ang Ginebra," at ang temang awit sa palabas sa telebisyon na Encantadia.[4]
Si Barrios ay mayroong banda na ang tawag ay Naliyagan.[1]
Magkakasamang opisyal na binuo nina Barrios, Lolita Carbon, at Cooky Chua ang Tres Marias noong 2012 na hindi iniiwan ang kanilang mga sari-sariling solo na karera.[5]
Adbokasiya para sa mga katutubo
[baguhin | baguhin ang wikitext]Nagsimula ang adbokasiya ni Barrios na ipagtanggol ang mga karapatan ng mga katutubo noong siya ay naging solo na mang-aawit.[1] Sa papamagitan ng kanyang musika ay isinusulong ni Barrios ang pagkakakilanlan at pagrespeto sa kultura ng mga katutubo at sa pagkakakilanlan ng mga Pilipino sa pangkalahatan.[2]
Mga sanggunian
[baguhin | baguhin ang wikitext]- 1 2 3 4 5 6 7 8 Miel, Ace (2023-04-14). "BAYANG BARRIOS: Katutubong DIVA - Celebrating 35 years". Cultural Center of the Philippines (sa wikang Ingles). Nakuha noong 2025-11-29.
{{cite web}}: CS1 maint: url-status (link) - 1 2 3 4 Gabaldon, Kathreena (Hulyo 5, 2023). "Bayang Barrios on Embracing Her Identity Through Music". The Beat Manila (sa wikang Ingles). Nakuha noong 2025-11-29.
{{cite web}}: CS1 maint: url-status (link) - ↑ "Bayang Barrios on Apple Music". Apple Music. Nakuha noong 2025-11-29.
{{cite web}}: CS1 maint: url-status (link) - 1 2 BrandRoom, INQUIRER.net (2023-05-13). "Bayang Barrios showcases the beauty of Filipino indigenous music in her first ever solo concert". POP! (sa wikang Ingles). Nakuha noong 2025-11-29.
{{cite web}}: CS1 maint: url-status (link) - ↑ Abunda, Boy. "Tres Marias a musical powerhouse". Philstar.com. Nakuha noong 2025-11-29.
{{cite web}}: CS1 maint: url-status (link)