Beauty and the Beast (pelikula noong 1991)

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Beauty and the Beast
Direksiyon
Produksiyon Don Hahn
Dulang pampelikula Linda Woolverton
Kuwento
Batay sa Beauty and the Beast 
ni Jeanne-Marie Leprince de Beaumont
Mga itinatampok
na pagaganap
Musika Alan Menken
Tagapag-edit John Carnochan
Estudyo
Ipinamahagi ng Buena Vista Pictures
Petsa ng
pagpapalabas
Setyembre 29, 1991 (1991-09-29) (New York Film Festival)
Nobyembre 22, 1991 (1991-11-22) (Estados Unidos)
Haba 84 mga minuto
Bansa Estados Unidos
Wika Ingles
Badyet $25 milyon
Kabuuang kita $425 milyon

Ang Beauty and the Beast (sa Filipino: Ang Maganda at ang Halimaw) ay isang pelikulang animasyon na ginawa noong 1991 ng Walt Disney Feature Animation at ipinamamahagi ng Walt Disney Pictures. Beauty and the Beast ipinalabas sa mga sinehan noong 13 Nobyembre 1991. Ito ang ika-tatlumpung pelikula sa serye ng Walt Disney Animated Classics. Batay ito sa kuwentong-bibit na may kaparehong pamagat ni Jeanne-Marie Le Prince de Beaumont[1] at ginamitan ng ilang konsepto mula sa isang pelikula noong 1946 na may kaparehong pamagat.[2] Umiikot ang kuwento sa isang prinsipeng nagbagong-anyo at naging halimaw na si Beast, at ang dilag na si Belle na ikinulong niya sa kanyang kastilyo. Upang bumalik sa dating anyo, dapat siyang umibig kay Belle at mapaibig din niya ito bago pa man malagas ang huling talulot ng isang mahiwagang bulaklak at kung hindi, siya'y mananatiling halimaw habang-buhay.

Ito ang ikatlong pelikulang animasyong ipinalabas sa panahong tinawag na Disney Renaissance, na nagsimula noong 1989 nang ipalabas ang The Little Mermaid at natapos nang ipalabas ang Tarzan noong 1999. Maraming pelikulang animasyon na sumunod dito ang naimpluwensiyahan ng paghalo nito ng tradisyonal na animasyon at ng imaheng ginawa ng kompyuter.

Isinulat ni Linda Woolverton ang dulang pampelikula nito, mula sa istoryang isinulat nina Roger Allers, Brenda Chapman, Chris Sanders, Burny Mattinson, Kevin Harkey, Brian Pimental, Bruce Woodside, Joe Ranft, Tom Ellery, Kelly Ashbury, at Robert Lence, sa direksiyon ni Gary Trousdale at Kirk Wise, at produksiyon ni Don Hahn. Ang musika ng pelikula ay linikha ni Alan Menken at Howard Ashman, na mga sumulat din ng musika at mga kanta ng The Little Mermaid ng Disney.

Naging matagumpay sa takilya ang Beauty and the Beast nang ito'y ipalabas at kumita ng $403 milyon sa buong mundo. Ito rin ay naging nominado sa maraming gawad-parangal at nanalo ng Golden Globe Awards para sa Best Motion Picture – Musical or Comedy at dalawa pang parangal para sa musika nito. Ang Beauty and the Beast din ang kauna-unahan at huling pelikulang animasyon na naging nominado sa Academy Awards para sa Best Picture, hanggang 2009. Umani ito ng anim na nominasyon, kasama rito ang Best Picture, Best Original Score, Best Sound at tatlo pang nominasyon para sa kanta nito. Napanalunan nito ang dalawa, para sa Best Original Score at Best Original Song para sa kantang na may kaparehong pamagat.

Mga sanggunian[baguhin | baguhin ang batayan]

  1. LePrince de Beaumont, Jeanne-Marie (1783). "Containing Dialogues between a Governess and Several Young Ladies of Quality Her Scholars". The Young Misses Magazine 1: pah. 45–67. (Ingles)
  2. Ginell, Carl (2 Agosto 2007). Beauty and the Beast stellar. Toacorn.com. Hinango noong 15 Hulyo 2010. (Ingles)