Belosidad

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Ang belosidad o hagibis[1] (Ingles: velocity) ay ang sukat ng kung gaano katulin o kabilis at kung gaano kalayo gumalaw ang isang bagay sa loob ng isang partikular na direksiyon.[2] Sa pisika at matematika,[3] nangangahulugan ang belosidad na ang panahon o oras na nagamit ng isang bagay upang makagalaw mula sa isang lugar papunta sa ibang pook o pagkalinsad (pagkawala sa lugar o pagkaalis sa ayos, kilala sa Ingles bilang displacement[1]), at ang direksiyon ng paggalaw - kilala ito bilang bilang ng tugan[3] o kantidad ng bektor[3] (vector[3] quantity sa Ingles). Maaaring makapaglakabay ang isang bagay sa 7 mga metro bawat segundo sa loob ng direksiyon ng 30 mga degri sa timog ng silangan. Ito ang belosidad.[4]

velocity =  \frac{displacement}{time} pati ang direksiyon.[2]

Kaya bilang halimbawa, ang isang bagay na gumagalaw sa loob ng isang parisukat, at huminto pabalik sa pinagmulan nito, ay hindi nabago ang kinalalagyan. Nangangahulugan ito na ang pagbabago ng kinalalagyan ng bagay ay sero.[2] Kakaiba ito sa bilis na pinaggalawan nito sa paligid ng parisukat. Kadalasang ginagamit ng mga tao ang belosidad at bilis upang magkatulad na kahulugan, subalit magkaiba sila, dapat na mayroong direksiyon o kapupuntahan ang belosidad.

Samakatuwid, ang belosidad ay ang tulin o bilis sa loob ng ibinigay na direksiyon, o angtinakbong distansiya sa loob ng ibinigay na oras.[3]

Tingnan din[baguhin]

Mga sanggunian[baguhin]

  1. 1.0 1.1 Blake, Matthew. (2008). "Velocity, hagibis; displacement, pagkalinsad". Tagalog English Dictionary-English Tagalog Dictionary. Bansa.org.
  2. 2.0 2.1 2.2 "Physics Homework Help: Speed, Velocity, Acceleration". physics247.com. http://www.physics247.com/physics-homework-help/speed-velocity-acceleration.php. Nakuha noong 25 Marso 2010. 
  3. 3.0 3.1 3.2 3.3 3.4 Gaboy, Luciano L.. "Velocity, belosidad; vector, bektor, tugan". Gabby's Dictionary, Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
  4. "Vectors, Introduction". id.mind.net. http://id.mind.net/~zona/mstm/physics/mechanics/vectors/introduction/introductionVectors.html. Nakuha noong 25 Marso 2010.