Catherine Parr

Catherine Parr
larawan mula hindi pinangalanang manlilikha mula sa huling bahagi ng 16th siglo, National Portrait Gallery
Queen consort of England and Ireland
Tenure	12 Hulyo 1543 hanggang 28 Enero 1547
Asawa	Sir Edward Burgh (k. 1529–33) John Neville, 3rd Baron Latimer (k. 1534–43) Henry VIII of England (k. 1543–47) Thomas Seymour, 1st Baron Seymour of Sudeley (k. 1547)
Anak	Mary Seymour
Ama	Sir Thomas Parr
Ina	Maud Green
Kapanganakan	c. Agosto 1512 Blackfriars, London, England
Kamatayan	5 Setyembre 1548 (sa edad na 36) Sudeley Castle, Gloucestershire, England
Libingan	7 Setyembre 1548 St Mary's Chapel, Sudeley Castle
Lagda
Pananampalataya	Protestante

Si Catherine Parr (pinirmahan niya ang kanyang mga liham bilang Kateryn; 1512 – 5 Setyembre 1548 ) ay Reyna ng Inglatera at Ireland bilang ang huli sa anim na asawa ni Haring Henry VIII mula sa kanilang kasal noong 12 Hulyo 1543 hanggang sa kamatayan ni Henry noong 28 Enero 1547. Si Catherine ang huling reyna ng Sambahayan ng Tudor, nabuhay pa sya ng isang taon at walong buwan mula ng mamatay si Henry. Nagkaroon sya ng apat na asawa, at siya rin ang reynang Ingles na pinaka maraming beses naikasal. Siya ang unang babae na naglathala ng orihinal na akda sa ilalim ng kanyang sariling pangalan, sa Ingles, sa England.

Naging malapit si Catherine sa tatlong anak nila ni Henry, sina Mary, Elizabeth at Edward. Siya ay personal na may partisipasyon at pagka-alam sa edukasyon nina Elizabeth at Edward. Siya ay naka-impluwensya sa pagpasa ni Henry ng Third Succession Act noong 1543 na nagpanumbalik sa kanyang mga anak na babae na sina Mary at Elizabeth sa linya ng paghalili sa trono. Si Catherine ay hinirang na tagapamahala mula Hulyo hanggang Setyembre 1544 habang si Henry ay nasa isang kampanyang militar sa bansang France; sakaling mawalan si Henry ng buhay, siya ang mamumuno bilang tagapamahala hanggang sa pagdating ni Edward sa tamang edad. Gayunpaman, si Catherine ay hindi binigyan ni Henry ng anumang tungkulin sa gobyerno kung titingnan ang kanyang huling habilin. Kasunod ng pagkamatay ng hari, ginampanan niya ang tungkulin bilang tagapag-alaga sa kanyang anak na babae, na si Elizabeth.

Noong 25 Abril 1544, inilathala ni Catherine ang kanyang unang aklat, na may pamagat na Mga Awit o Mga Panalangin, nang hindi nagpakilala bilang may akda. Ang kanyang aklat na Prayers or Meditations ay ang naging unang aklat na nailathala ng isang Ingles na reyna sa ilalim ng kanyang sariling pangalan noong 2 Hunyo 1545. Naglathala din siya ng ikatlong aklat na may pamagat na The Lamentation of a Sinner, noong 5 Nobyembre 1547. Dahil sa kanyang pakikiramay sa mga Protestante, pinukaw niya ang pagkapoot ng mga opisyal na kontra-Protestante, na nagresulta upang pabagsakin ang hari; isang warrant para sa pag-aresto sa kanya ang inilabas, marahil sa panahong ng tagsibol noong 1546. Gayunpaman, siya at ang hari ay agad namang nagkasundo.