Estasyong daangbakal ng San Pedro

Mula sa Wikipediang Tagalog, ang malayang ensiklopedya
Jump to navigation Jump to search
 San Pedro 
Pambansang Daambakal ng Pilipinas
Estadistika ng estasyon
Linya     Linyang Patimog
     Linyang Carmona (inabandona)
EstrukturaNasa lupa
PlatapormaMga platapormang pagilid
Riles1
Iba pang impormasyon
BinuksanAgosto 1, 1908
Itinayo muli2015
KodigoSPL
Pagmamay-ari ngPambansang Daambakal ng Pilipinas
Dating pangalanSan Pedro Tunasan
Serbisyo
Huling station   PNR   Susunod station
patungong Tutuban
Metro Commuter
patungong Calamba
  (Mga) Dating Serbisyo  
patungong Tutuban
Commuter Express
Carmona Line
patungong Carmona

Ang estasyong San Pedro ay isang estasyong daambakal sa Pangunahing Linyang Patimog o South Main Line (na tinatawag ding Linyang Patimog o Southrail) ng Pambansang Daambakal ng Pilipinas. Tulad ng lahat ng mga estasyon ng PNR, nasa lupa (at grade) ang estasyon. Matatagpuan ito sa lungsod ng San Pedro, Laguna, sa loob ng kabayanan nito.

Sa kasalukuyan, may dalawang mga estasyon. Ang lumang estasyon na ginagamit ngayon bilang mga tirahan ng PNR ay dating estasyon kung saang maaaring sumakay ang mga pasahero ng mga treng patungo sa Kabikulan, patungo sa dating dulo ng Metro Manila Commuter sa mga estasyon ng Biñan at Calamba, at patungo sa dating linyang sangay papuntang Carmona. Dating may tatlong mga riles ang estasyon, ang isa ay ang pangunahing linya patimog, ang gitna ay ang tabing-riles (sidetrack), habang ang mga riles na malapit sa plataporma ay ang Linyang Carmona. Mula 2012-2013 ang mga riles ng ngayo'y abandonadong Linyang Sangay ng Carmona ay nilansag kasama ang mga tabing-riles ng estasyong San Pedro. Itinayo ang isang bagong estasyon sa isang kalapit na lokasyon malapit sa Daang San Vicente at binuksan ito noong Disyembre 2013. Kasalukuyang may anim na mga paglalakbay sa estasyong San Pedro, dalawang pahilagang lakbay papuntang Tutuban at isang patimog na lakbay papuntang Santa Rosa, isang patimog na lakbay papuntang Santa Rosa sa hapon, isang pahilagang lakbay papuntang Tutuban at isang huling lakbay sa araw papuntang Santa Rosa sa unang bahagi ng gabi.

Kasaysayan[baguhin | baguhin ang batayan]

Ang estasyong San Pedro na dating kilala bilang estasyong San Pedro Tunasan ay binuksan noong Agosto 1, 1908 bilang bahagi ng karugtong ng Pangunahing Linyang Patimog mula Muntinlupa papuntang Calamba. Huling ikinumpuni ang unang estasyon noong 1972 para sa paglunsad ng mga Serbisyong Komyuter ng Kalakhang Maynila na pinangunahan ni dating Pangulong Ferdinand Marcos.

Isang bagong estasyon na may kasamang mga nakaangat na mga plataporma na matatagpuan sa kanluran ng lumang estasyon ay binuksan noong Disyembre 23, 2013 para sa pagbubukas ng mga serbisyong pangmananakay patungong Santa Rosa. Muling binuksan ang estasyon noong Oktubre 5, 2016.

Tingnan din[baguhin | baguhin ang batayan]

Coordinates needed: you can help!