FIBA

Wag ikalito sa FIFA.

International Basketball Federation (FIBA)

Fédération internationale de basket-ball
Daglat	FIBA
Motto	"We are basketball"
Pagkakabuo	18 June 1932
Uri	Sports federation
Kinaroroonan	Mies, Switzerland
Rehiyon served	Worldwide
Kasapihip	213 national federations
Wikang opisyal	English and French
	Patrick Baumann
President	Horacio Muratore
Mahahalagang tao	Borislav Stanković George Vassilakopoulos Manfred Ströher
Website	fiba.basketball

Ang Pandaigdigang Pederasyon ng Basketbol, higit na kilala bilang FIBA, Pandaigdigang FIBA, o FIBA International ( /ˈfiːbə/ FEE-bə), mula sa pangalang Pranses nito na Fédération Internationale de Basket-ball, ay ang pandaigdigang samahan ng mga pambansang konseho ng basketbol na namamahala sa mga paligsahan pandaigdig ng basketbol. Orihinal na kilala bilang Fédération Internationale de Basket-ball Amateur (kaya naging FIBA), noong 1989 inalis ang salitang Amateur sa opisyal na pangalan nito at pinanatili ang inisyal nitong FIBA; ang "BA" ay kumakatawan ngayon sa dalawang titik ng basketball.

Itinatakda ng FIBA ang pandaigdigang patakaran sa basketbol, nagtutukoy ng mga gamit at pasilidad na kinakailangan, nangangasiwa sa paglilipat ng mga atleta sa bawat bansa, at nagkokontrol sa pagtatalaga ng pandaigdigang reperi. May kabuuang 213 pambansang samahan ang kasalukuyang kasapi, na inorganisa simula noong 1989 sa limang sona o "komisyon": Africa, Americas, Asia, Europe, at Oceania.

Ang FIBA Basketball World Cup ay ang pandaigdigang paligsahan ng pambansang koponan ng mga lalaki na ginaganap bawat apat na taon. Ang mga koponan ay nagtutunggali para sa Naismith Trophy, ipinangalan bilang pagkilala sa lumikha ng basketbol, si James Naismith.