Girls und Panzer

Girls und Panzer Gāruzu & Pantsā
ガールズ&パンツァー
Dyanra	Action
Manga
Guhit	Ryūichi Saitaniya
Naglathala	Media Factory
Magasin	Comic Flapper
Takbo	5 Hunyo 2012 – kasalukuyan
Bolyum	2
Manga
Girls und Panzer: Little Army
Guhit	Tsuchii
Naglathala	Media Factory
Magasin	Monthly Comic Alive
Takbo	Agosto 2012 – Marso 2013
Bolyum	2
Teleseryeng anime
Direktor	Tsutomu Mizushima
Prodyuser	Kiyoshi Sugiyama
Iskrip	Reiko Yoshida
Musika	Shiro Hamaguchi
Estudyo	Actas
Inere sa	Tokyo MX
Takbo	9 Oktubre 2012 – 25 Marso 2013
Bilang	12
Nobela
Kuwento	Yuu Hibiki
Guhit	Humikane Shimada, Shin Kyougoku
Naglathala	Media Factory
Inilathala noong	22 Nobyembre 2012
Manga
Girls und Panzer: Motto Love Love Sakusen Desu!
Guhit	Nii-Marco
Naglathala	Media Factory
Magasin	Monthly Comic Alive
Takbo	27 Mayo 2013 – kasalukuyan

Ang Girls und Panzer (ガールズ&パンツァー, Gāruzu ando Pantsā) ay isang anime na gawa ng Actas. Ang anime ay idinerekta ni Tsutomu Mizushima. Si Takaaki Suzuki, na naging tagapayo sa kasaysayang militar sa mga anime na Strike Witches at Upotte!! ay nagsilbing tagapayo sa anime. Unang ipinalabas ang anime sa Hapon mula Oktubre hanggang Disyembre 2012, habang dalawang karagdagang mga episode ang ipinalabas noong Marso 2013. Isang original video animation ay kasalukyukang ginagawa Isang manga na gawa ni Ryūichi Saitaniya ay nagsimula sa mag-asin na Comic Flapper noong Noong 5 Hunyo 2012. Ipapalabas ang isang pelikula sa 2014.

Balangkas

Ang kuwento ay nagaganap sa isang sansinukob kung saan ang mga babae ay lumalahok sa Sensha-dō (戦車道) o ang pagmamaneho ng mga tangke mula sa panahon ng Ikalawang Digmaang Pandaigdig, bilang isang martial art. Si Miho Nishizumi, na nagkaroon ng mga masamang karanasan sa Sensha-dō ay lumipat sa Ōarai Girl's High School upang makatakas sa Sensha-dō. Gayunman, pagkatapos ng kanyang paglipat, sinimulan ng paaralan ang kanilang programang Sensha-dō, at dahil si Miho lang ang may karanasan sa pagmamaneho ng mga tangke, pinasali siya. Noong lumaon, nagsimula ulit magustuhan ni Miho ang Sensha-dō kasama ng kanyang mga bagong kaibigan na sina Saori, Hana, Yukari at Mako. Sumali sila sa isang paligsahan kung saan nilalaban nila ang mga iba't ibang paaralan.

Ang manga na Girls und Panzer: Little Army ay tungkol sa mga karanasan ni Miho sa elementarya kasama ng mga kaibigan niyang sina Emi, Hitomi at Chihiro.

Pagtanggap

Ang unang pagpapalabas ng mga unang sampung episode noon 2012 ay nakakuha ng mga magandang rating sa telebisyon dahil sa mas maagang pagpapalabas, kaya mas madali siyang mapanood ng mga manonood. Naging malakas ang pagbenta ng mga Blu-ray ng anime ayon sa Oricon; ang pangalawang bolyum ay nakaabot ng 24,733 mga kopya sa loob ng unang linggo ng pagbenta. Ang pangatlong bolyum ay nakaabot ng 23,528 mga benta sa loob ng unang linggo ng pagbenta habang ang pang-apat na bolyum ay nakaabot ng 28,410 mga kopya.

Ang mga laruan na base sa mga tangke na ipinakita sa mga anime ay nagkaroon ng malakas na bentahan sa Hapon.

Dahil sa katanyagan ng palabas at para paunlarin ang lokal na turismo, noong 24 Marso 2013, ang bayan ng Ōarai sa Ibaraki Prefecture ay nagkaroon ng isang pagdiwang na may temang Girls und Panzer bilang parte ng kanilang taunan na piyestang tagsibol.

Isang editoryal na inilatha noong 22 Enero 2013 sa China National Defense Newspaper, isang sangay ng PLA Daily, ay nagpamuna sa anime dahil sa pagpapaunlad ng "mga damdaming militarista na nagbabalatkayo bilang mga nakakatuwang karakter", ngunit ang pahayag na ito ay niloko ng mga Intsik na netizen, na karamihan ay nagduda sa tunay na layunin ng editoryal.