Arnibal

Mula sa Wikipedia, ang malayang ensiklopedya
(Idinirekta mula sa Harabe)
Ang arnibal.

Ang arnibal, sirup, o harabe (Kastila: almibar o arnibar; Ingles: syrup) ay isang uri ng makapal at malapot na pulot na nagagawa sa pamamagitan ng pagpapakulo ng asukal sa tubig.[1]

Sa panggagamot[baguhin | baguhin ang wikitext]

Kahalagahan[baguhin | baguhin ang wikitext]

Nagagamit ang arnibal, dahil sa laman nitong asukal o pulot-pukyutan, sa pagtitinggal o pagpepreserba ng mga inpusyon at mga dekoksyon. Kabilang pa sa mga maiinam na katangian nito ang pagiging nakapagpapaginhawa ng pakiramdam (partikular na ang pulot-pukyutan), nakapagkukubli ng hindi kaayaayang lasa ng yerba, at nagagamit na pampalasa sa mga gamot na pambata.[2]

Mga sangkap[baguhin | baguhin ang wikitext]

Sa paghahanda ng arnibal na may halamang-gamot, gumagamit ng hinandang 500 ml na inpusyon o dekoksyon, at 500 mga gramo ng pulot-pukyutan o kaya hindi repinadong asukal.[2]

Mga kagamitan[baguhin | baguhin ang wikitext]

Gumagamit sa pagluluto nito ng mga kasangkapang maliit na kawali, kahoy na kutsara, boteng may madilim na salamin at may mga tapon para sa pag-iimbak, at ang maaaring walang embudo. Mahalaga ang mga pantakip na tapon, sa halip na naiikot o natuturnilyong mga takip, dahil kalimitang pumasasailalim sa proseso ng permentasyon o pag-alsa ang mga arnibal. Nakasasanhi ng pagsambulat o pagsabok ng boteng may takip na umiikot ang permentasyon.[2]

Paghahanda[baguhin | baguhin ang wikitext]

Sa pagluluto at paghahanda, pinapainit ang 500 ml na inpusyon o dekoksyon sa isang maliit na kawali. Dinaragdagan ito ng 500 mga gramong pulot-pukyutan o hindi repinadong asukal. Paminsan-minsang hinahalo ito hanggang sa matunaw. Pagkaraan, pinababayaan lumamig ang arnibal. Pagkalamig, ibinubuhos ito sa isang boteng may madilim na salamin. Tinatakpan ito ng tapon.[2]

Pag-inom[baguhin | baguhin ang wikitext]

Sa pag-inom, sapat na 5 hanggang 10 ml, tatlong ulit sa loob ng isang araw.[2]

Mga sanggunian[baguhin | baguhin ang wikitext]

  1. English, Leo James. Diksyunaryong Tagalog-Ingles, Kongregasyon ng Kabanalbanalang Tagapag-ligtas, Maynila, ipinamamahagi ng National Book Store, may 1583 na mga dahon, ISBN 971910550X
  2. 2.0 2.1 2.2 2.3 2.4 Ody, Penelope (1993). "Syrup". The Complete Medicinal Herbal. DK Publishing, Inc., pahina 121.