Itim na Nazareno

Amg Imahen ng Itim na Nazareno sa dambana ng Simbahan ng Quiapo

Ang Itim na Nazareno na kilalá rin bílang Poong Hesus Nazareno (Espanyol: Nuestro Padre Jesus Nazareno) ang gataong imahen ni Hesus na may pasang krus na nakalagak sa Simbahan ng Quiapo sa Maynila, Pilipinas mula pa noong 1787. Ito ay yari sa maitim na kahoy at nakabihis ng maroon na bata. Sinasabing nasunog ito sa galeong mula sa Mehiko patungong Maynila, ngunit walang katiyakan kung ano ang sanhi ng itim na kulay nito at pawang mga pagpapalagay lámang noong nagkaroon ng Ikalawang Digmaang Pandaigdig na naputol ang totoong kamay nito sa kanan na ngayon itinatago sa loob ng simbahan.

Kasaysayan

Dinalá ang imahen ng Itim na Mira sa Maynila ng mga pari mula sa mga Augustinian Recollect noong 31 Mayo 1606. Inilagak ang imahen nito sa unang simbahan ng Recollect sa Bagumbayan (na ngayon ay bahagi na ng Liwasang Rizal), at pinasinayahan noong 10 Setyembre 1606.

Noong 1608, ang pangalawang pinakamalaking simbahang Recollect na inihandog kay San Nicolas de Tolentino na natapos sa loob ng Intramuros (kung saan ngayon nakatirik ang gusali ng Manila Bulletin) at ang imahen ng Nuestro Padre Jesús Nazareno ay inilipat dito. Patuloy na isinulong ng mga pari ng Recollect ang debosyon sa Paghihirap ni Hesus sa pamamagitan ng nasabing imahen. Makalipas ang labinlimang taon, nabuo ang Cofradia de Jesús Nazareno at itinatag noong 21 Abril 1621. Nakatanggap ito ng Papal approval noong 20 Abril 1650 mula kay Papa Inocencio X.

Noong 1787, si Basilio Sanco Junta y Rufina, ang Arsobispo ng Maynila ay nag-utos na ilipat ang imahen sa Quiapo, sa ilalim ng pagtaguyod kay San Juan Bautista.

Ang imahen ng Nazareno ay naisalba sa iba't ibang sakuna at digmaan tulad noong nasunog ang simbahan sa Quiapo noong taong 1791 at 1929, gayundin ang lindol noong 1645 at 1863 at ang pagpapasabog sa Maynila noong 1945 noong panahon ng Ikalawang Digmaang Pandaigdig.

Noong 1998, isang huwad ng tunay na imahen ng Itim na Nazareno ang ipinarada dahil sa pinsalang nakamit ng tunay na imahen, at mula noon, ginamit na ito sa mga prusisyon habang nananatiling nakalágak sa loob ng simbahan ang tunay na imahen. Ang iba pang maliit na huwad ng imahen ay matatagpuan sa loob ng simbahan.

Debosyon

Ang panrelihiyong pamimintuho ng Poong Hesus Nazareno ay pinagmulan na ng kabilang sa mga Pilipino na tukuyin ang kanilang mga sarili sa Pagpapakasakit ng Panginoong Jesu-Kristo. Maraming mga deboto ng Poong Hesus Nazareno ang nauugnay sa kanilang kahirapan at pang-araw-araw na pakikibáka sa sugat at masaklap na karanasan ni Hesus, na kinakatawan ng imahen. Kahit na ang pintakasi ng Basilica tuwiran na si San Juan Bautista, mapuspos ang Itim na Nazareno dahil sa apela ng masa. Ang mga deboto ay nagbigay-pugay sa pamamagitan ng pagpapalakpak ng kanilang kamay, sa katapusan ng bawat misa na inaalay sa dambana.

Ang natatanging debosyon na ito ng mga Filipino sa Itim na Nazareno ay nabigyan ng karagdagang papuri mula sa dalawang papa: sina Inocencio X noong 1650, sa pagkakatatag ng Cofradia de Jesús Nazareno at Pio VII noong ika-19 dantaon, sa pamamagitan ng pagbibigay ng indulhensiya sa mga dumadalangin sa imahen ng Itim na Nazareno.

Sa kasalukuyan, ang debosyon sa Itim na Nazareno ay patuloy na nagbibigay ng sigla at kapayapaan sa mga deboto sa kabila ng kanilang mga sakít, galos, sugat, at kung minsan, kamatayan na nagaganap tuwing prusisyon, na tila ay hindi ito alintana ng mga deboto.

Pagdiriwang

Pagdiriwang ng Itim na Nazareno

Ipinagdiriwang ang Traslacion o ang paglilipat sa bagumbayan patungo sa simbahan ng Itim na Nazareno tuwing ika-9 ng Enero.

Himno sa Poong Hesus Nazareno

Sa ibaba ay ang mga titik ng Pambansang awit na binubuo ni Lucio San Pedro, na ginagamit sa simbahan ng Quiapo bílang pangunahing awit sa Itim na Nazareno.

Nuestro Padre Jesus Nazareno

Nuestro Padre Jesus Nazareno,
Sinasamba Ka namin
Pinipintuho Ka namin
Aral Mo ang aming búhay
at Kaligtasan.

Nuestro Padre Jesus Nazareno
Iligtas Mo kami sa Kasalanan
Ang Krus Mong Kinamatayan ay
Sagisag ng aming Kaligtasan.

Koro:
Nuestro Padre Jesus Nazareno,
Dinarangal Ka namin!
Nuestro Padre Jesus Nazareno,
Nilul'walhati Ka namin!
Nuestro Padre Jesus Nazareno,
Dinarangal Ka namin!
Nuestro Padre Jesus Nazareno,
Nilul'walhati Ka namin!