Jakub Józef Orliński

Jakub Józef Orliński
Kapanganakan	(1990-12-08) 8 Disyembre 1990 Varsovia, Polonya
Nasyonalidad	Polako
Nagtapos	Chopin University of Music Juilliard School
Trabaho	Operatikong contratenor
Website	jakubjozeforlinski.com

Jakub Józef Orliński (ipinanganak ng 8 Disyembre 1990 sa Varsovia) operatikong mang-aawit na contratenor mula sa Polonya.

Pag-aaral at Karera

Matapos kumanta sa koro bilang bata, bilang binata, sumali si Orliński sa isang grupong musikero na binubuo ng siyam na lalake. Dito, siya ay piniling umawit ng mga parteng contratenor sa ilang tugtuging Renaissance. Naging tagahanga rin siya ng King's Singers na nagbigay inspirasyon sa kanya na ipagpatuloy ang kanyang interes sa genre na ito. Sinimulan niya ang kanyang karera sa Gregorianum, isang korong binubuo ng mga lalake, na pingungunahan ni Berenika Jozajtis, na nakasama niyang mag-tanghal sa Polonya at sa ibang bansa. Siya ay nagtapos sa Fryderyk Chopin University of Music. Sa panahon ng kanyang pag-aaral, sumali siya sa ilang mga palabas na inayos ng Fryderyk Chopin University of Music at ng Aleksander Zelwerowicz National Academy of Dramatic Art. Mula noong 2012, naging miyembro siya ng Opera Academy of the Grand Theatre in Warsaw, at mula doong 2015 hanggang 2017 nag-aral siya sa Juilliard School kasama si Edith Wiens. Sa Polonya, siya ang gumanap sa papel ni Kupido sa Venus and Adonis ni Blow at ni Narciso sa 'Agrippina ni Handel. Sa kanyang pananatili sa Alemanya, siya ang gumanap sa papel ni Ruggiero sa Alcina ni Handel sa Aachen at Cottbus, at tinanghal ang mga piling kanta ni Purcell sa Leipzig Opera.

Siya ay nakapagtanghal sa Carnegie Hall at pati na rin sa Alice Tully Hall at Lincoln Center for the Performing Arts sa New York kung saan siya ay nakatanggap ng positibong mga panunuri mula sa The New York Times. Isinama sa kanyang mga pagtanghal ang Messiah ni Handel. Sa tulong ng Musica Sacra at Oratorio Society of New York. Nakapagtanghal din siya sa Flight ni Jonathan Dove kasama ang Juilliard Opera. Noong 2017, umawit siya sa pagganap kay Ottone sa Agrippina ni Handel sa La Serenissima: Music and Arts From the Venetian Republic ng Carnegie Hall. Nakilahok siya sa Pistang Handel ng Karlsruhe kung saan ay inawit niya ang 'Nisi Dominus' ni Vivaldi at mga sipi mula sa Dixit Dominus ni Handel. Sa iyon ding taon, ginawa niya ang kanyang debut appearance sa Festival d'Aix-en-Provence sa opera na Erismena ni Cavalli. Siya ay nag debut sa 2017/18 na season ng Frankfurt Opera bilang ang titulong tauhan sa Rinaldo ni Handel. Noong 2019, dahil sa pag-aanyayang magtanghal sa Eustazio para sa produksyon ng Glyndebourne Opera sa Rinaldo, siya ay inanyayahan noong dalawang linggo nang nag-eensayo na kunin ang titulong papel.

Ang debut solo album ni Orliński, Anima Sacra, ay inilabas sa Erato label sa 26 Oktubre 2018, na may musika ng orkestrang Il Pomo d'Oro na cinduct ni Maxim Emelyanychev. Binubuo ito ng mga ariang Baroque ng iba't ibang kompositor mula sa Neapolitan School, kasama sa inakalang unang makamundong pagrerekord ng walong gawa.

Noong 2019, napanalunan niya ang gantimpalang kultural ng O!Lśnienie na iprinesenta ng Onet at ng siyudad ng Kraków sa kategorya ng klasikong musika at jazz. Noong Oktubre taong 2019, napanalunan niya ang Gramophone Classical Music Award sa kategorya ng Young Artist of the Year. Noong 2020, natanggap niya angPaszport Polityki Award na kada taong pinepresenta ng Polityka sa kategorya ng klasikong musika.

Ang kanyang pangalawang album na 'Facce d'amore' (FaCHe) , na naglalaman nang "isang napiling mabuting malawak na koleksyon para sa mararaming mulha ng pag-ibig " mula sa mga opara nina Cavalli, Boretti, Bononcini, Scarlatti, Handel, Predieri, Matteis at Conti, ay umudyok sa taga-suring si Brian Robins na purihin ang kanyang "talento bilang mangaawit na dramatiko" at ang kanyang mga ornamentation, na nagbubuod sa kanyang "malamig na boses".

Noong Septyembre taong 2020, natanggap niya ang titulong Best Singer of the Year sa Berlin na iginawad ng mga mambabasa ng pahayagang Opernwelt.

Personal na buhay

Si Orliński ay isang kampeong break-dancer at isang miyembro ng samahang breakdancing, ang Skill Fanatikz Crew. Nag-modelo na rin siya para sa mga fashion brands tulad ng Nike at Levi's.

Mga Gantimpala

• 1st Prize sa Marcella Kochañska Sembrich Vocal Competition, New York, Estados Unidos (2015)
• 2nd Prize sa IX International Stanisław Moniuszko Vocal Competition, Warsaw, Polanya (2016)
• 1st Place Winner sa Lyndon Woodside Oratorio-Solo Competition, New York, Estados Unidos (2016)
• Nanalo sa Grand Finals sa Metropolitan Opera National Council Auditions, New York, Estados Unidos (2016)
• Gramophone Classical Music Award, London, Britanya (2019)

Tingnan din

• Polish opera
• List of Poles

Panlabas na mga link

• Opisyal na websayt
• Jakub Józef Orliński channel sa YouTube