Kondenser (panglaboratoryo)

Mula sa Wikipediang Tagalog, ang malayang ensiklopedya
Jump to navigation Jump to search
Para sa ibang gamit, tingnan ang kondenser (paglilinaw).
Isang halimbawa ng uri ng kondenser.

Ang kondenser o kondensador ay isang piraso ng babasagin o yari sa salaming kagamitang panglaboratoryong ginagamit sa pagpapalamig ng maiinit na mga singaw o mga likido. Karaniwang binubuo ito ng isang malaking tubong salaming naglalaman ng isang mas maliit na tubong salaming tumatakbo sa buo nitong haba, kung saan dumadaloy o dumaraan sa loob nito ang maiinit na mga pluwido. Kalimitan ding nilalagyan ang mga dulo ng panloob ng tubong salamin ng mga hugpungan salamin na maginhawa o madaling paglagyan ng iba pang mga kasangkapang panglaboratoryong yari rin sa salamin. Kalimitang iniiwanang bukas sa atmospero ang pang-itaas na dulo nito, o pinasisingaw sa pamamagitan ng bulaan o pampabula upang maiwasan ang ingreso ng tubig o oksiheno.

Karaniwan namang may dalawang koneksiyon o ugpungang tubong goma o hos ang panlabas na tubong salamin, at mayroon ding may pinadaraan sa loob nito na isang pampalamig (coolant, na kalimitang tubig sa gripo o pinalamig na tubig o may halong panlaban sa pagyeyelo). Upang maging mas mabisa, palaging dumaraan ang malamig na tubig mula sa pang-ilalim na dugtong o hugpong, at lumalabas mula sa pang-itaas o pang-ibabaw na hugpong o dugtong. Maraming iba pang mga kondenser ang maaari pagdugtung-dugtungin upang makagawa ng mga serye o sunuran. Karaniwang hindi kailangan ang mataas o mabilis na takbo ng pagtulo upang panatilihin ang pampalamig na latag.



Agham Ang lathalaing ito na tungkol sa Agham ay isang usbong. Makatutulong ka sa Wikipedia sa pagpapalawig nito.