Mga milenyal

Mula sa Wikipedia, ang malayang ensiklopedya

Ang mga Milenyal (kilala din sa katawagang Ingles na Millennials, Generation Y, Generation Me, Echo Boomers, at Peter Pan Generation) ay isang demograpikong kohort na sinundan ang Henerasyong X. Walang tiyak na panahon kung kailan nagsimula o natapos ang henerasyon na ito; karaniwang ginagamit ng mga demograpo at mga mananaliksik ang unang bahagi ng dekada 1980 bilang ang simula ng mga taon ng kapanganakan at ang kalagitnaan ng dekada 1990 hanggang unang bahagi ng dekada 2000 bilang ang katupusan ng mga taon ng kapanganakan.