Diptonggo

Ang diptonggo (dipthong) ay patinig na sinusundan ng malapatinig na w at y.

Talaan mga diptonggo ng Filipino

salita	IPA	halimbawa
ay		bahay
ey		beywang
iy		biy
oy		tuloy
uy		kasuy
aw		sigaw
iw		sisiw

Ito ay tumutukoy sa pinagsamang tunog ng isang patinig (a,e,i,o,u) at isang malapatinig (w,y) sa loob ng isang pantig. Ngunit kapag ang /y/ o /w/ ay napapagitan sa dalawang patinig, ito ay napapasama na sa sumusunod na patinig, kaya’t hindi na maituturing na diptonggo. Ang “iw”, halimbawa, sa “aliw” ay diptonggo. Ngunit sa “aliwan” ay hindi na ito maituturing na isang diptonggo sapagkat ang “w” ay napagitan na sa dalawang patinig. Ang magiging pagpapantig sa “aliwan” ay a-li-wan at hindi a-liw-an. Narito ang ilang halimbawa ng diptonggo sa Pilipino:

aliw labi’y aruy eywan totoy aray sabaw nowt giliw puti’y kasuy eyto batsoy taray bataw helow sisiw kami’y baduy reyna kahoy bahay kalabaw fown

Ang /iy/ sa kami’y, halimbawa, ayaw tanggapin ng iba bilang diptonggo sa katwirang dinaglat lamang daw ang “ay” at ikinabit pagkatapos sa “kami”. Paano raw ang kudlit (‘)? Linawain nating hindi binibigkas ang kudlit, na ang ating pinag-uusapan ay bigkas at hindi bantas. Pansinin na ang magiging transkripsiyon ng “kami’y” ay /kamiy/. Dito ay litaw ang diptonggong /iy/. Kung may salita tayong maibibigay upang lumitaw ang /ew/at /uw/, may pagdadaglat mang naganap o wala, tatanggapin nating diptonggo ang mga ito.

Tingnan din

• Monotonggo
• Tritonggo

Ang lathalaing ito ay isang usbong. Makatutulong ka sa Wikipedia sa pagpapalawig nito.