O Que É Que A Baiana Tem?

Mula sa Wikipedia, ang malayang ensiklopedya
Jump to navigation Jump to search
"O que é que a baiana tem?"
Carmen Miranda, Banana da Terra 1939.jpg
Nakasuot si Carmen Miranda ng damit-baiana sa eksena mula sa Banana da Terra na isinagawa ng Sonofilmes studio.
Song by Carmen Miranda
LanguagePortugues
English titleAno ang mayroon ng babae mula sa Bahia?
ReleasedAbril 1939 (1939-04)
GenreSamba
LabelOdeon (Brasil)
Decca (Estados Unidos)
Songwriter(s)Dorival Caymmi
O Que É Que A Baiana Tem? sa Banana da Terra

Ang O que é que a baiana tem? (Tagalog: Ano ang mayroon ng babae mula sa Bahia?) ay isang awit na nilikha ni Dorival Caymmi noong 1939 at nirekord ni Carmen Miranda.

Nagpanatiling-buhay ang awit sa tinig ng Brasilyerang mang-aawit na si Carmen Miranda, na tumugtog ng samba na ito sa pelikulang Banana da Terra (1939) na idinerekta ni Ruy Costa. Bukod sa pelikulang Banana da Terra, itinanghal ni Miranda ang "O que é que a baiana tem?" sa Broadway na rebistang musikal na The Streets of Paris noong 1939 at 1940, at sa pelikulang Greenwich Village (1944).[1]

Mga banggit sa kalinangan[baguhin | baguhin ang batayan]

Mula noong simula ng kanyang karera, tinigmak ni Dorival Caymmi ang kanyang bansa ng maindayog, romantikong pagkakakilanlan na bagay sa nakakaakit na heograpiya at mga mapanghalinang kababaihang naka-bikini ng Brasil. "O Que É Que a Baiana Tem?" ang kanyang unang at agarang kanta na sikat, na isinulat noong 16 taong gulang siya. Ang awit na iyan ang naging unang sikat na kanta ni Carmen Miranda, kung saan nagpasikat sa kanya ang kanyang litaw na binti't braso, maluhong sumbrero at masiglang tinig para maging pandaigdigang kahangaan bilang "Brazilian Bombshell". Noong 1996, sinabi ng pahayagang News From Brazil na tinuruan ni G. Caymmi si Bb. Miranda kung paano igagalaw ang kanyang mga braso at kamay sa musika, na naging tatak niya.[2]

Habang kinakanta ang "O que é que a baiana tem?" at alinsunod sa mga liriko ng awit, sinusuot ni Carmen kasuotan ng baiana, isang termino na may literal na kahulugang isang babae mula sa hilagang-silangang estado ng Bahia ngunit higit na tumutukoy sa Apro-Brasilyerang babae na nagbebenta ng pagkain sa mga kalye ng Salvador sa Bahia at Rio de Janeiro mula noong mga kolonyal na panahon, at sa mga saserdotista ng Apro-Brasilyerong relihiyon, Candomblé. Si Carmen, na nagtrabaho bilang isang baguhang gilingera at isang dalubhasang modista, ay nagdisenyo sa kanyang kasuotan mismo, kung saan nagdagdag siya ng mga kislap at isang maliit na imitasyong bakol ng prutas sa kanyang turbante, na mapaglarong pampansin sa mga bakol ng prutas ng mga tinderang kalye ng baiana sa kanilang ulo. Ang naka-istilong bersyon ng damit-baiana na may isang pinaikling blusa na nagpakita sa kanyang bamban, isang paldang masikip, bias-cut, at buong-haba (umiiwas sa mga mas kagalang-galang na blusang puting puntas at pasingsing na nagwas ng baianang tradisyonal), at ang pinakatanyag–isang turbanteng detalyadong pinalamutian, ay naging imaheng tatak ni Carmen para sa mga madlang internasyonal. Isinama ang mga parehong prinsipal na elemento sa mga kasuotan na nilikha para sa kanyang mga unang papel sa Hollywood, tulad ng mga isinuot niya sa Broadway at sa mga bahay-aliwang pagtatanghal sa Estados Unidos.[3][4]

Legasiya[baguhin | baguhin ang batayan]

Noong 2009, pinili ang kanta para sa pagpapanatili sa Library of Congress. Nakatulong ang musika upang ipakilala ang ritmong samba at si Carmen Miranda sa madlang Amerikano.[5] Inaawit ni Daniela Mercury ang kantang ito sa kanyang 2009 album na "Canibalia" na kinabibilangan ng patikim ng orihinal na recording ni Miranda.

Talasanggunian[baguhin | baguhin ang batayan]

  1. "Morre Dorival Caymmi, aos 94". Veja. August 16, 2008. Tinago mula sa orihinal noong July 14, 2014. Nakuha noong June 4, 2019. Cite uses deprecated parameter |deadurl= (tulong)
  2. "Dorival Caymmi, Singer of Brazil, Is Dead at 94". The New York Times. August 19, 2008.
  3. "Directory of World Cinema: Brazil". Louis Bayman, Natália Pinazza. March 31, 2015.
  4. "Dance and the Hollywood Latina: Race, Sex, and Stardom". Priscilla Peña Ovalle. March 31, 2015.
  5. Empty citation (tulong)

Mga kawing panlabas[baguhin | baguhin ang batayan]