Pamantasang Ebreo ng Herusalem

Itinatag ng Hebrew University at ipinapatong sa mga pundasyon Bundok Scopus - 1918

Ang Pamantasang Ebreo ng Herusalem (Ebreo: האוניברסיטה העברית בירושלים, ha-Universita ha-Ivrit B'irushalayim; Arabe: الجامعة العبرية في القدس, al-Ǧāmiah al-Ibriyyah fil-Quds; dinadaglat bilang HUJI) ay ang pangalawa sa mga pinakamatandang pamantasan ng Israel, na itinatag pagkatapos ng Technion sa Haifa. May tatlong kampus ang pamantasan sa Herusalem, at isa sa Rehovot. Nasa kampus ng pamantasan sa Givat Ram ang pinakamalaking aklatan sa mundo para sa araling pang-Hudyo.

Kasama sa unang Lupon ng mga Tagapangasiwa ng pamantasan sina Albert Einstein, Sigmund Freud, Martin Buber, at Chaim Weizmann. Apat sa mga punong ministro ng Israel naman ang nagsitapos sa Pamantasang Ebreo. Sa huling dekada, pito sa mga nagsitapos sa pamantasan ang nakatanggap ng Gantimpalang Nobel o Medalyang Fields.

Ayon sa Akademikong Pagraranggo ng mga Pamantasan sa Mundo, pinakamataas ang Pamantasang Ebreo sa mga pamantasan sa Israel, at ika-52 sa mga pinakamahusay na pamantasan sa mundo.

Galerya

• 
  Pambansang Aklatan ng Israel
• 
  Akademya ng Wikang Hebreo
• 
  Bezalel Academy of Art and Design
• 
  National Botanic Garden ng Israel
• 
  Bundok Scopus Amphitheatre

Mga kawing panlabas

• Opisyal na websayt ng Pamantasang Ebreo ng Herusalem
• Ang Pambansang Aklatan ng Israel
• Akademya ng Wikang Hebreo Naka-arkibo 2010-07-19 sa Wayback Machine.