Pampagana

Ang mga pagkaing pampagana (Ingles: appetizer) o mga hors d'oeuvre (UK /ɔːˈdɜːv/ or /ɔːˈdɜːvr(ə)/,^[1] EU /ɔrˈdɜrv/; Pranses: [ɔʁ dœvʁ] ( pakinggan), literal na "bukod pa sa [pangunahin] gawain" o ang unang kurso, ay mga pagkain na inihahain bago pa man ang pangunahing mga kurso ng isang tanghalian o hapunan.^[2] Ang katawagan nito sa wikang Pranses (isahan man o maramihan) ay hors d’œuvre; sa wikang Ingles, ang ligatura o pang-angkop na œ ay karaniwang pinapalitan ng digrapong "oe" na ang maramihang anyo ay kadalasang isinusulat bilang "hors d'oeuvres" at binibigkas na /ɔrˈdɜrvz/. Mayroong ilang mga kaugnay na mga kataga, katulad ng amuse-bouche, na isang pampaganang nakakain nang isang kagatan lamang, at iba pa.