Paglalakbay
.jpg)
Ang paglalakbay ay ang paggalaw ng mga tao sa pagitan ng magkakalayong lokasyong pangheograpiya. Maaaring maglakbay sa pamamagitan ng paglalakad, bisikleta, kotse, tren, bangka, bus, dyip, eroplano, barko, o iba pang paraan, may dala mang bagahe o wala, at maaaring patungong isang direksyon lamang o pabalik (round trip).[1] Maaari ring kabilang sa paglalakbay ang mga panandaliang pananatili sa pagitan ng sunud-sunod na paggalaw, gaya ng sa kaso ng turismo.
Dahilan
[baguhin | baguhin ang wikitext]Kabilang sa mga dahilan ng paglalakbay:
- turismo, paglalakbay para sa rekreasyon;[2] maaring ilapat ito sa paglalakbay mismo, o maaari na isang kailangan na puhunan ang paglalakbay upang makarating sa isang ninais na pook
- pagdalaw sa mga kaibigan at mag-anak[2]
- pakipagkalakalan,[2] sa kalumaan, ilang pangkat ng mga tao ang naglalakbay ng malawak na layo upang makipagpalitan ng mga produkto na makukuha lamang sa ilang lugar.
- pangkaraniwang paglalakbay (commuting)[2]
- pagpunta sa mga iba't ibang lokasyon ng trabaho, kabilang ang mga pagpupulong
- komunidad ng mga taong layas (mga nomad) na lumilipat ng mula sa isang pook hanggang sa isa pang pook, sa halip na manirahan sa isang lugar lamang
- pagiging peregrino (pilgrimage), paglalakbay sa relihiyosong dahilan[2]
- pagbabagong-lakas[3]
- magboluntaryo sa kawanggawa
- makipagdigma o umalis sa digmaan
- magmisyon
- kumuha ng impormasyon
- sa kasiyahan ng paglalakbay
Ilan sa mga karaniwan na makasaysayang dahilan ng paglalakbay: mangibang-pook, paglalakbay ng peregrino, at eksplorasyon or ekspedisyon. Naging sanhi ang kalikasan ng tatlong ito ang pansarili at kultural na pagpapakasakit, tulad sa mga kaso ng mga Aboriginal, mga peregrino sa Mecca at si Kapitan James Cook. Sa isang banda, kadalasang pinahihintulot ng pakipagkalakalan ang pagpapalitan at paghalo ng mga kultura at dinala ang pagbabago sa mga tao. Nito lamang nakaraang ilang dantaon na simula nating naisip na kasingkahulugan ng paglalakbay ang kaisipan ng mga pista o bakasyon; sa ibang salita, ang pagtakas sa ating araw-araw na pagpupunyagi at paggawa. Sa pagdami ng bilang ng mga taong naglalakbay upang magbakasyon, dumami na rin ang mga ahensya ng paglalakbay, seguro sa paglalakbay, at opsyon ng pera sa paglalakbay.
Mga uri ng paglalakbay pangheograpiko
[baguhin | baguhin ang wikitext]Maaaring lokal, rehiyonal, pambansa (domestiko), o pandaigdig ang paglalakbay. Sa ilang bansa, ang paglalakbay sa loob ng bansa subalit lampas sa sariling lugar ay maaaring mangailangan ng panloob na pasaporte, samantalang ang pandaigdigang paglalakbay ay karaniwang nangangailangan ng pasaporte at bisa. Karaniwang uri ng paglalakbay ang mga lakbay-pasyal. Ilang halimbawa ng mga lakbay-pasyal ay ang paglalayag na ekspedisyon,[4] lakbayang maliit ang grupo,[5] at paglalayag sa ilog (river cruise).[6]
Kaligtasan
[baguhin | baguhin ang wikitext]Binibigyang-diin ng mga kinauukulan ang kahalagahan ng pag-iingat upang matiyak ang kaligtasan sa paglalakbay.[7] Kapag naglalakbay sa ibang bansa, karaniwan ay ligtas at walang insidenteng nagaganap, subalit maaaring makaranas ang mga manlalakbay ng mga suliranin, krimen, at karahasan.[8] Kabilang sa mga dapat isaalang-alang para sa kaligtasan ang pagiging maalam sa paligid,[7] pag-iwas na maging biktima ng krimen,[7] pag-iwan ng mga sipi ng pasaporte at impormasyon sa iskedyul ng paglalakbay sa mapagkakatiwalaang mga tao,[7] pagkuha ng segurong medikal na tanggap sa bansang binibisita,[7] at pagrerehistro sa sariling embahada pagdating sa dayuhang bansa.[7]
Maraming bansa ang hindi kumikilala sa mga lisensiya sa pagmamaneho mula sa ibang bansa; gayunman, tinatanggap ng karamihan sa mga bansa ang mga pandaigdigang pahintulot sa pagmamaneho (international driving permit).[9] Madalas na hindi tanggap sa mga banyagang bansa ang mga polisiyang seguro sa sasakyan na inisyu sa sariling bansa, kaya karaniwang kailangan kumuha ng pansamantalang seguro sa sasakyan na may bisa sa bansang binibisita.[9] Mainam ding pag-aralan ang mga patakaran at batas sa pagmamaneho ng bansang pupuntahan.[9]
Lubhang ipinapayo ang pagsusuot ng sinturong pangkaligtasan para sa kaligtasan; maraming bansa ang may parusa para sa paglabag sa mga batas hinggil sa sinturong pangkaligtasan.[9]
Tingnan din
[baguhin | baguhin ang wikitext]Mga sanggunian
[baguhin | baguhin ang wikitext]- ↑ "Travel". Merriam-Webster.com Dictionary (sa wikang Ingles). Merriam-Webster. 12 Abr 2021. Nakuha noong 16 Abril 2021.
- ↑ 2.0 2.1 2.2 2.3 2.4 "The Road to Travel: Purpose of Travel." Naka-arkibo 2018-06-06 sa Wayback Machine. University of Florida, College of Liberal Arts and Sciences. (Compilation for History 3931/REL 3938 course.) Nakuha noong 2011. (sa Ingles)
- ↑ "Motivations of Travel" (PDF). U.S. Travel Association (sa wikang Ingles).
- ↑ "Unrivaled Expedition Cruises". National Geographic Expeditions (sa wikang Ingles). Inarkibo mula sa orihinal noong 2022-11-08. Nakuha noong 2021-04-30.
- ↑ "Book a small group tour with National Geographic Journeys and see more of the world for less". National Geographic Expeditions (sa wikang Ingles). Inarkibo mula sa orihinal noong 2023-11-30. Nakuha noong 2021-04-30.
- ↑ "River Cruises from National Geographic - Book one of our new authentic River Cruises across Europe or Asia". National Geographic Expeditions (sa wikang Ingles). Inarkibo mula sa orihinal noong 2021-06-19. Nakuha noong 2021-04-30.
- ↑ 7.0 7.1 7.2 7.3 7.4 7.5 "Tips for Traveling Abroad." Naka-arkibo 2013-10-22 sa Wayback Machine. Bureau of Consular Affairs, U.S. Department of State. Nakuha noong 2011. (sa Ingles)
- ↑ "A Safe Trip Abroad." Naka-arkibo 2013-12-07 sa Wayback Machine. Bureau of Consular Affairs, U.S. Department of State. Nakuha noong Hulyo 2011. (sa Ingles)
- ↑ 9.0 9.1 9.2 9.3 "Road Safety Overseas." Naka-arkibo 2013-10-16 sa Wayback Machine. Bureau of Consular Affairs, U.S. Department of State. Nakuha noong Hulyo 2011. (sa Ingles)