Paul Oscar Blocq

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Tungkol ito sa isang pang-19 daantaong patolohistang Pranses, para sa Islandikong mang-aawit, tingnan ang Paul Oscar.

Si Paul Oscar Blocq, binabaybay ding Paul-Oscar Blocq[1], (1860-1896[1]) ay isang Pranses na manggagamot at patologo na naaalala dahil sa kanyang mga gawaing kaugnay ng neuropatolohiya sa Salpêtrière ng Paris, habang kasama nina Jean-Martin Charcot at Gheorghe Marinescu.

Mga gawain[baguhin | baguhin ang batayan]

Sina Blocq at Marinescu ang unang mga manggagamot na naglarawan ng mga depositong ekstraselular (nasa labas ng selula) ng neuritikong plaka na nasa loob ng kulay abong materya ng utak. Gayundin, natagpuan din nina Blocq at Marinescu ang isang kaso ng tremor na Parkinsonyanong sanhi ng isang tumor na nasa loob ng substantia nigra (sustansiyang itim) ng utak. Kasama ni Marinescu at ng bakteryologong si Victor Babeş, nilathala ni Blocq ang Atlas der pathologischen Histologie des Nervensystems, isang mahalagang akda hinggil sa patolohikal na histolohiya ng sistemang nerbiyos.

Karamdaman ni Blocq[baguhin | baguhin ang batayan]

Pangunahing lathalain: Abasia

May isang sakit na ipinangalan kay Blocq, ang Karamdaman ni Blocq o Sakit ni Blocq, na kilala rin sa tawag na astasia-abasia (basahin din ang hinggil sa abasia). Isa itong sakit na may katangiang hindi makatayo o makalakad ang pasyente, sa kabila ng kakayahang maigalaw ang mga pang-ibabang sanga ng katawan (mga paa at binti) kapag nakaupo o nakahiga.

Mga akda[baguhin | baguhin ang batayan]

  • Sur une affection caractérisée par de l'astasie et de l'abasie. (Incoordination motrice pour la station et pour la marche (Charcot et Richer); ataxie motrice hystérique (V. Mitchell); ataxie par défaut de coordination automatique (Jaccoud).) Journal: Archives de Neurologie. Paris: Bureaux du Progrès Médical; bol. xv., 1888 (pp. 24-51 & 187-211).
  • Atlas der pathologischen Histologie des Nervensystems (kasama sina V. Babeş at G. Marinescu)
  • Anatomie pathologique de la moelle epiniere (1891); (kasama si Albert Londe 1858-1917)
  • Séméiologie et Diagnostic des Maladies Nerveuses. 1892 (kasama si J. Onanoff)
  • L'Etat Mental dans l'Hysterie.Paris: 1893

Sanggunian[baguhin | baguhin ang batayan]

  1. 1.0 1.1 Robinson, Victor, Ph.C., M.D. (patnugot) (1939). "Paul-Oscar Blocq at abasia". The Modern Home Physician, A New Encyclopedia of Medical Knowledge. WM. H. Wise & Company (New York). , pahina 1.

Panlabas na mga kawing[baguhin | baguhin ang batayan]