Estasyon ng Quirino (LRT)

Quirino
Sistema ng Light Rail Transit ng Maynila
Looban ng Estasyong Quirino
Estadistika ng estasyon
Direksiyon	Panulukan ng Abenida Taft at Abenida Quirino, Malate, Manila
Linya	Unang Linya ng LRT
Plataporma	Gilid ng plataporma
Riles	2
Pagsisiyasat ng bagahe	Oo
Iba pang impormasyon
Binuksan	Disyembre 1, 1984
Kodigo	QU
Pagmamay-ari ng	Kagawaran ng Transportasyon (DOTr) Pangasiwaan ng Light Rail Transit (LRTA)
Serbisyo
Huling estasyon   Manila LRT   Susunod na estasyon Pedro Gil patungong Roosevelt Line 1 Vito Cruz patungong Baclaran

Ang Estasyong Quirino ng LRT, na kilala rin bilang Estasyong Quirino Avenue ng LRT, ay isang himpilan sa Sistema ng Light Rail Transit ng Maynila (Unang Linya ng LRT). Katulad ng iba pang mga estasyon ng LRT-1, nakaangat sa lupa ang estasyong Quirino. Nagsisilbi ang estasyon para sa Malate sa Maynila at matatagpuan sa panulukan ng Abenida Taft, Abenida Quirino at Kalye San Andres. Ipinangalan ang estasyon mula sa Abenida Quirino, na ipinangalan kay dating pangulong Elpidio Quirino.

Nagsisilbi bilang pang-labinlimang estasyon ang estasyong Quirino para sa mga treng LRT-1 na patungo sa Baclaran at bilang pang-anim na estasyon para sa mga treng patungo sa Roosevelt.

Mga kalapit na palatandaang pook

Dahil matatagpuan ang estasyon sa Malate, malapit ito sa mga pasyalan tulad ng Manila Zoo, Manila Yatch Club, Baywalk ng Maynila, Simbahan ng Malate, Plaza Rajah Sulayman, at ang sikat na lugar panlibang ng Malate na Remedios Circle at Kalye Adriatico. Malapit din ito sa Ospital ng Maynila Medical Center, San Andres Sports Complex, Malate Catholic School, Saint Anthony School, Doña Aurora Quezon Elementary School, at mga opisina ng Kawanihan ng Paghahalaman.

Mga kawing pangpanlalakbay

Humihinto ang mga bus at dyip na dumadaan sa Abenida Taft malapit sa estasyon, at sa malalapit na lugar, mga sasakyang de-padyak at mga taksi. Pwede silang gamitin upang ikutin at lumabas ng Malate.

May isang estasyon ng Philippine National Railways na matatagpuan din malapit dito, ang Estasyong Paco.

Pagkakaayos ng Estasyon

L2 Mga plataporma	Platapormang pagilid, magbubukas ang mga pinto sa kanan
	Plataporma A	← Unang Linya ng LRT patungong Roosevelt
	Plataporma B	→ Unang Linya ng LRT patungong Baclaran →
	Platapormang pagilid, magbubukas ang mga pinto sa kanan
L2	Lipumpon	Mga faregate, bilihan ng tiket, sentro ng estasyon, mga tindahan
L1	Daanan

Mga imahe

• 

  Gusali ng Estasyong Quirino Avenue