Galaksiyang radyo

Ang larawang maling kulay (false-color) ng kalapit na galaksiyang radyo na Centaurus A, na nagpapakita ng radyo (pula), 24-mikrometrong infrared (berde) at radiyasyong X-ray na 0.5-5 keV (asul). Makikita ang jet ang paglalabas ng radiyasyong synchrotron sa tatlong saklaw ng alon. Ang mga lobe ay naglalabas lamang sa saklaw ng mga frequency ng radyo kaya lumilitaw na pula. Ang mga gas at alikabok sa galaksiya ay naglalabas ng radiyasyong thermal sa infrared. Makikita ang radiyasyong thermal na X-ray mula sa mainit na gas at di-thermal na radiyasyon mula sa mga elektron na relatibistiko sa mga asul na "shell" sa paligid ng mga lobe, lalo na sa timog (ibaba).

Ang mga galaksiyang radyo pati na ang mga kaugnay na radio-loud quasar at blazar, ay mga uri ng aktibong galaksiya na napakaliwanag sa haba ng alon ng radyo, na may luminosidad na hanggang sa 10³⁹ W sa pagitan ng 10 MHz at 100 GHz. Ang radyasyong radyo ay dulot ng proseso ng synchrotron. Ang naoobserbahang estruktura sa radyasyong radyo ay natutukoy ng interkasiyon ng dalawang jet at ng panlabas na kapaligiran, na binago ng epekto ng relativistic beaming. Ang galaksiyang host ay halos palaging maging isang malaking galaksiyang eliptikal. Ang mga radio-loud na aktibong galaksiya ay maaaring makita sa malalayong distansya, kaya mahalaga ang mga ito sa magiging kasangkapan para sa kosmolohiyang obserbasyonal. Kamakailan lang, maraming pag-aaral ang isinagawa tungkol sa epekto ng mga bagay na ito sa intergalaktikong midyum, lalo na sa mga pangkat at kumpol ng mga galaksiya.

Mga sanggunian

Ang lathalaing ito na tungkol sa Astronomiya ay isang usbong. Makatutulong ka sa Wikipedia sa pagpapalawig nito.