Relaks, It's Just Pag-Ibig

Mula sa Wikipediang Tagalog, ang malayang ensiklopedya
Jump to navigation Jump to search
Relaks, It's Just Pag-Ibig
DireksiyonAntoinette Jadaone
Irene Villamor
ProduksiyonJoyce Bernal
Piolo Pascual
Erick Raymundo
Shayne Sarte
Isinulat niAntoinette Jadaone
Irene Villamor
Mga itinatampok
na pagaganap
Iñigo Pascual
Julian Estrada
Sofia Andres
SinematograpiyaDan Villegas
Tagapag-editMarla Ancheta
Joyce Bernal
EstudyoSpring Films
Ipinamahagi ngStar Cinema
Petsa ng
pagpapalabas
Nobyembre 12, 2014 (2014-11-12)
Haba100 minuto
BansaPilipinas
Wika
  • Tagalog
  • Ingles
Kabuuang kita₱4,954,361[1] ($110,562)[2]

Ang Relaks, It's Just Pag-Ibig ay isang pelikulang romantiko-komedyang Pilipino na ipinalabas noong 2014. Pinagbibidahan ito nina Iñigo Pascual, Julian Estrada, at Sofia Andres. Ito ay sa direksiyon ni Antoinette Jadaone na siya ring direktor ng mga pelikulang Beauty in a Bottle at That Thing Called Tadhana. Ang pelikula rin ang naging lunsaran ng mga baguhang artistang sina Pascual, Estrada at Andres.

Binigyan ng perpektong limang bituin ng mga kritiko ang pelikula mula sa sityong ClickTheCity.com na nagrerepaso ng mga lokal na pelikula, at Rated PG naman mula sa MTRCB.[3] Bukod dito, nakatanggap ito ng katamtamang rating na 8.2/10 ng IMDB.[4] Ginawaran din ito ng gradong A ng Lupong Tagahatol ng Pelikula (Cinema Evaluation Board).[5] Positibo rin ang naging pagtanggap ng mga manonood sa pelikula at naging pangunahing trending topic pa ito sa sityo para sa social networking na Twitter noong unang araw ng pagpapalabas ng pelikula.[6]

Buod[baguhin | baguhin ang batayan]

Umiikot ang istorya ng Relaks, It's Just Pag-Ibig sa isang 16-taong gulang na babaeng si Sari (Sofia Andres), na nakapulot ng isang liham ng pag-ibig na isinulat ng isang lalaking nagngangalang Elias para sa isang babaeng nagngangalang Salome. Ninais ni Sari na makatagpo silang dalawa sa ilalim ng bughaw na buwan sa isang dalampasigan sa Leyte. Hinatak niya si Josh (Iñigo Pascual), isang di-naniniwala sa pag-ibig, sa kanyang paglalakbay maging ang kanyang matalik na kaibigang si Kiko (Julian Estrada), na lihim na umiibig kay Sari.

Mga tauhan[baguhin | baguhin ang batayan]

Mga pangunahing tauhan[baguhin | baguhin ang batayan]

Mga katulong na tauhan[baguhin | baguhin ang batayan]

Pagtanggap sa pelikula[baguhin | baguhin ang batayan]

Mga puna ng kritiko[baguhin | baguhin ang batayan]

Positibo ang naging pagsusuri sa pelikula ni Oggs Cruz ng Rappler, at sinabi nitong nakabibighani ang kasimplehan ng pelikula. Nabanggit din niyang naitaas ng pelikula ang istorya ng pag-ibig sa puntong higit na nagbibigay-halaga, nang hindi nababago ang mismong istorya. Aniya, "Taglay pa rin ng Relaks, It’s Just Pag-Ibig ang pormula, subalit binudburan ito ng toneladang dami ng pagiging makatao. Nagaganap ang pinakamahiwagang mga sandali ng pelikula kapag ang mga pangkaraniwang pagsasama ng mga uri (genre) ay idinidikit sa mga pambihirang biruan sa pelikula." Ayon pa kay Cruz, "Sa panahong kung saan karamihan sa mga tauhan mula sa mga romantikong komedya ay umaarte nang hindi naaayon sa kanilang edad, kung saan gumaganap na parang matatanda ang mga kabataan at ang mga matatanda'y ginagaya ang mga kabataan, ang pagpupumilit ng pelikulang manatiling tapat sa diwa ng pagiging kabataan ay natugunan."[7]

Naging halo naman ang reaksiyon ni Jonell Estillore ng Film Police sa pelikula, na ayon sa kanya, "Habang nagtutungo sila sa pagkunot ng noo at magalaw na mga matang di-sigurado kung saan titingin, mahihinuha mong mahirap paniwalaan kung ano ang kanilang sinasabi, lalo na kung saan sila nanggagaling." Binanggit niya ring sa unang tingin, may sapat na chemistry na taglay sa mga tauhan upang kabaliwan ng mga manonood, dahil sa makabagong panahon, higit na mahalaga ang pisikal na kaanyuan para sa mga kabataan sa mga lokal na pelikula, lalo na sa mga pelikulang uring romantiko-komedya na ngayon ay nagiging paksa sa henerasyon ng mga "hugot". Sa huli, sinabi ni Estillore na "Dahil walang bagong maiaalok, ang mga manonood na ang bahalang humusga kung kailangan pang maghalungkat sa pelikula upang makakuha ng bago at mapakikinabangan, kung hindi, magiging takaw-tingin lamang ang palabas."[8]

Binigyan ni Philbert Ortiz Dy ng ClickTheCity.com ng limang perpektong bituin ang pelikula sa kanyang naging pagsusuri. Ayon sa kanya, "hindi maikakailang nakakakilig ang pelikula, kahit na ipinakikita nito ang matinik na katotohanan kapag nabigo sa pag-ibig. Sabi nga ng pamagat, hindi hinayaan ng pelikulang maging masyadong seryoso ang mga tagpo, dahil sa huli, mga bata pa rin sila. Hinayaan ng pelikulang maging bata ang mga bata, na pagdaanan nila ang mga kakatuwang mga sandali ng pagiging bata at nagmamahal. At kasama na rito ang pakikipag-away, pagtatampo, pagsingit sa pamamagitan ng pagkanta at pakikipagbati. Kilig lang ang lahat, at laman ng mga eksena ang masasabi mong mga alaala ng unang pag-ibig." Bagama't puna lang niya ay ang karakter ni Cupcake (Ericka Villongco), na nagsabing "Inilagay siya sa pelikula bilang isang nakikitang kontrabida, isang simbolo ng lahat ng kailangang iwan ni Joshua, subalit hindi talaga ito kailangan ng pelikula. Tama nang ipakita siya sa maikiling eksena."[9]

Sa takilya[baguhin | baguhin ang batayan]

Kumita ang pelikula ng mahigit ₱4.9 milyon sa pagpapalabas nito, na naging ika-15 sa talaan ng mga pelikulang kumita sa Pilipinas noong 2014.[2]

Mga sanggunian[baguhin | baguhin ang batayan]

  1. "'Moron 5.2′ Grosses P33.1-M in 2 Weeks, 'Relaks It's Just Pag-ibig' Earns P4.95-M". Starmometer. Pilipinas: Starmometer.com. 23 Nob 2014. Hinango noong 07 Mar 2015. Check date values in: |accessdate= (tulong)
  2. 2.0 2.1 "Philippines Yearly Box Office 2014". Hinango noong 07 Mar 2015. Check date values in: |accessdate= (tulong)
  3. "Relaks, It's Just Pag-Ibig (2014)". ClickTheCity.com. Pilipinas: Surf Shop, Inc. Hinango noong 07 Mar 2015. Check date values in: |accessdate= (tulong)
  4. "Relaks, It's Just Pag-Ibig (2014)". IMDB. IMDB.com, Inc. Hinango noong 07 Mar 2015. Check date values in: |accessdate= (tulong)
  5. "'Relaks, It's Just Pag-Ibig' graded A by the CEB". Star Cinema. Pilipinas: ABS-CBN Corporation. 12 Nob 2014. Hinango noong 07 Mar 2015. Check date values in: |accessdate= (tulong)
  6. "Netizens give 'Relaks, It's Just Pag-ibig' a thumbs up". Star Cinema. Pilipinas: ABS-CBN Corporation. 13 Nob 2015. Hinango noong 07 Mar 2015. Check date values in: |accessdate= (tulong)
  7. Cruz, Oggs (14 Nob 2014 5:05 PM). "'Relaks, It's Just Pag-Ibig' Review: Love letter to teen romance". Rappler. Pilipinas: Rappler.com. Hinango noong 07 Mar 2015. Check date values in: |accessdate=, |date= (tulong)
  8. Estillore, Jonell (24 Nob 2014). "Film: Relaks, It's Just Pag-ibig". Film Police. Pilipinas: Film Police. Hinango noong 07 Mar 2015. Check date values in: |accessdate= (tulong)
  9. Dy, Philbert (13 Nob 2014 1:44 PM). "First Love is an Adventure in 'Relaks, It's Just Pag-Ibig'". ClickTheCity.com. Pilipinas: Surf Shop, Inc. Hinango noong 07 Mar 2015. Check date values in: |accessdate=, |date= (tulong)

Mga panlabas na kawing[baguhin | baguhin ang batayan]