Santa Maria della Salute

Mula sa Wikipedia, ang malayang ensiklopedya
Jump to navigation Jump to search

Ang Santa Maria della Salute (Santa Maria ng Kalusugan), na karaniwang kilala bilang Salute, ay isang simbahang Katoliko Romano at basilika menor na matatagpuan sa Punta della Dogana sa Dorsoduro sestiere ng lungsod ng Venezia, Italya.

Nakatayo ito sa makitid na daliri ng Punta della Dogana, sa pagitan ng Grand Canal at Giudecca Canal, sa Bacino di San Marco, na nakikita ang simbahan kapag pumasok sa Piazza San Marco mula sa tubigan. Ang Salute ay bahagi ng parokya ng Gesuati at ang pinakahuli sa mga tinatawag na mga simbahang itinayo buhat ng mga sakit.

Noong 1630, naranasan ni Venezia ang isang hindi pangkaraniwang mapangwasak na salot. Bilang alay para masugpo ang sakit, ang Republika ng Venezia ay nangako magtatayo at mag-aalay ng simbahan sa Mahal na Ina ng Kalusugan (o ng Paghahatid, Italyano: Salute). Ang simbahan ay idinisenyo sunod sa estilong baroque ni Baldassare Longhena, na nag-aral sa ilalim ng arkitekto na si Vincenzo Scamozzi. Nagsimula ang konstruksiyon noong 1631. Karamihan sa mga likhang sining na nakalagak sa simbahan ay tumutukoy sa Salot na Itim.

Ang simboryo ng Salute ay isang mahalagang dagdag sa tanaw ng Venezia at sa lalong madaling panahon ay naging sagisag ng lungsod, na nagbigay-inspirasyon sa mga artista tulad ng Canaletto, JMW Turner, John Singer Sargent, at ang Venezianong artistang si Francesco Guardi.

Panlabas[baguhin | baguhin ang batayan]

Ang Salute ay isang malawak, oktagonal na gusali na may dalawang simboryo at isang pares ng mga nakamamanghang kampanilya sa likod. Itinayo sa isang plataporma na gawa sa 1,000,000 kahoy na tambak, ito ay itinayo gamit ang Istrian na bato at marmorino (ladrilyong natatakpan ng alikabok ng marmol). Sa tuktok ng pediment ay may estatwa ng Birheng Maria na namumuno sa simbahan na itinayo sa kaniyang karangalan. Ang patsada ay pinalamutian ng mga figura nina San Jorge, San Teodoro, ang mga Ebanghelista, ang mga Propeta, Judith kasama ang ulo ni Holofernes.[1]

Patsada[baguhin | baguhin ang batayan]

Ang pangunahing patsada ay magarang pinalamutian ng mga estatwa ng apat na ebanghelista na kamakailan ay iniugnay kay Tommaso Rues: [2]

Mga sanggunian[baguhin | baguhin ang batayan]

  • Hopkins, Andrew (1997). "Plans and Planning for S. Maria della Salute, Venice". The Art Bulletin: 440–465.
  1. Allen, Grant (1898), Venice, London: G. Richards, mga pa. 104–107, ISBN 0-665-05089-5
  2. Paola Rossi, Per un profilo di Tommaso Rues in: La scultura veneta del Seicento e del Settecento : nuovi studi / Istituto Veneto di Scienze, Lettere ed Arti. A cura di Giuseppe Pavanello. – Venezia, 2002. – (Studi di arte veneta ; 4). – ISBN 88-88143-19-X, p. 3-33