Sevastopol

Sevastopol Севастополь Ruso / Ukrainian Aqyar Crimean Tatar
Watawat Sagisag
Ortograpikong projection ng Sevastopol (lunti)
Mapa ng Tangway Crimea na pinapakita ang Sevastopol
Mga koordinado: 44°36′18″N 33°31′21″E
Country	Disputed: Rusya (de facto) Ukranya
Status within Russia	Federal city in the Crimean Federal District
Status within Ukraine	City with special status
Founded	1783 (241 years ago)
Pamahalaan
• Acting Governor	Sergei Menyailo
Lawak
• Kabuuan	864 km2 (334 milya kuwadrado)
Taas	100 m (300 tal)
Populasyon  (2007)
• Kabuuan	379,200
• Kapal	438.89/km2 (1,136.7/milya kuwadrado)
Demonym	Sevastopolitan, Sevastopolian
Sona ng oras	UTC+04:00 (MSC)
Kodigo ng koreo	299000—299699
Kodigo ng lugar	+380-692
Licence plate	CH
Decorations
Websayt	sev.gov.ua/en/

Ang Sevastopol /se·vás·to·pól/ (Ukrainian, Ruso: Севасто́поль; Crimean Tatar: Aqyar) ay isang lungsod sa may Dagat Itim, na matatagpuan sa timong-kanlurang rehiyong ng Tangway ng Crimea.

Kasalukuyang pinagtatalunan ng Rusya at Ukraine ang lungsod. Tinuturing ng Rusya at mga lokal na kinauukulan ng Sevastopol na isa itong pederal na lungsod ng Pederasyong Ruso at bahagi ng Crimean Federal District, habang ang karamihan naman ng mga bansa ay tinuturing pa rin itong bahagi ng Ukraine. Pinalitan na ng militar ng Russia ang militar ng Ukraine sa rehiyon, at Russia na rin ang nangangasiwa sa nasasakupan ng Sevastopol. Tinuturing naman ng Ukraine ang kabuuan ng Crimea kasama ang Sevastopol bilang "teritoryong pansamantalang sakop ng Pederasyong Ruso."

May 342,451 populasyon ang Sevastopol na karamihan ay matatagpuan malapit sa Look ng Sevastopol at iba pang kalapit na lugar. Ang lokasyon at kalayágan ng mga daungan nito ay naging daan upang maging mahalagang baseng pandagat ang Sevastopol sa talá ng kasaysayan. Dito nakabase ang Black Sea Fleet ng Rusya.

Bagama't may kaliitan ang lawak nitóng 864 km², ang natatanging katangiang pandagat nito ang nagbibigay sa Sevastopol ng maunlad at masiglang ekonomiya. Katamtamang lamig lang ang nararanasan sa lungsod tuwing tag-lamig at katamtamang init naman tuwing tag-init, kayâ sikát itong bakasyunan at destinasyon ng mga turista mula sa mga dating republikang Sobyet. Mahalagang sentro ng biyolohiyang pandagat ang lungsod, lalung-lalo na sa pag-aaral at pagtuturo ng mga lumba-lumba rito mula nang matapos ang Ikalawang Digmaang Pandaigdig.