Shimon Peres

Mula sa Wikipediang Tagalog, ang malayang ensiklopedya
Jump to navigation Jump to search
Shimon Peres
Shimon Peres in Brazil-cropped.jpg
KapanganakanSzymon Perski, שמעון פרסקי
2 Agosto 1923
Kamatayan28 Setyembre 2016
PagkamamamayanIsrael
Alma materNew York University
Hanapbuhaypolitiko, manunulat, manunula
Lagda

Si Shimon Peres (Ebreo: שמעון פרס‎; ipinanganak na Szymon Perski; Agosto 2, 1923 – Setyembre 28, 2016) ay dating politikong Israeli na ipinanganak sa Poland. Dalawang ulit siyang naglingkod bilang Punong Ministro ng Israel at dalawang ulit din bilang Interim na Punong Ministro, at naging bahagi ng 12 gabinete sa loob ng 66 taong karera niya sa politika.[1] Nahalal si Peres sa Knesset noong Nobyembre 1959 at, maliban sa tatlong buwang pamamahinga noong 2006, patuloy siyang nanungkulan hanggang 2007, nang siya'y maging Pangulo ng Israel.

Humawak si Peres ng iba't ibang katungkulang diplomatiko at militar noon at pagkatapos ng Digmaang Arab–Israel noong 1948. Ang kaniyang unang pinakamataas na katungkulan sa pamahalaan ay bilang Diputadong Direktor-Panlahat ng Depensa noong 1952, at Direktor-Panlahat mula 1953 hanggang 1959.[2] Sa kaniyang karera sa politika, naging kinatawan siya ng limang partido sa Knesset: Mapai, Rafi, ang Alignment, Labor at Kadima, at namuno sa Alignment at Labor. Nagwagi si Peres ng Nobel Peace Prize noong 1994 kasama sina Yitzhak Rabin at Yasser Arafat dahil sa usapang pangkapayapaang kaniyang linahukan bilang Ministrong Panlabas ng Israel, na nagbunga ng Oslo Accords.[2]

Isinulong ng Kadima ang nominasyon ni Peres noong 2007 upang tumakbo sa pagkapangulo. Ihinalal si Peres ng Knesset noong 13 Hunyo 2007, at nanumpa bilang pangulo noong Hulyo 15, 2007 upang maglingkod sa termino na may pitong taon.[3][4] Siya ang kauna-unahang dating Punong Ministro na nahalal bilang Pangulo ng Israel. Sa kaniyang pagretiro noong 2014, siya ang pinakamatandang puno ng estado sa buong mundo.

Pumanaw si Peres noong Setyempre 28, 2016 makaraang lubhang ma-stroke na nagdulot sa pagkapinsala sa kaniyang utak.[5]

Talasanggunian[baguhin | baguhin ang batayan]

  1. Amiram Barkat. "Presidency rounds off 66-year career". Haaretz (sa Ingles).
  2. 2.0 2.1 Tore Frangsmyr, ed. (1995). "Shimon Peres, The Nobel Peace Prize 1994" (sa Ingles). The Nobel Foundation.
  3. "Peres elected President". The Jerusalem Post (sa Ingles). 12 Hunyo 2007. Hinango noong 13 Hunyo 2007.
  4. Teeple, Jim (15 Hulyo 2007). ""Shimon Peres Sworn In as Israel's President"" (sa Ingles). VOA News. Unknown parameter |accesdate= ignored (|access-date= suggested) (tulong).
  5. Levine, Daniel S. (27 Setyempre 2016). "Shimon Peres Dead: How Did the Former Israeli Prime Minister Die?". Heavy (sa Ingles). Hinango noong 28 Setyempre 2016. Check date values in: |access-date=, |date= (tulong)