Sopa

Isang tatlong-almuhadong sopa sa silid-hintayan ng isang tanggapan.

Ang isang sopa, kilala rin bilang sa mga katawagan sa Ingles na sofa, settee, futon, chesterfield, o couch, ay isang piraso ng muwebles sa bahay para sa pag-upo ng dalawa o tatlong tao. Ito ay karaniwang matatagpuan sa anyo ng isang bangko, na may mga tapiseryang armrests, at madalas na nilagyan ng mga spring at pinasadya na mga almuhadon. Bagaman pangunahing ginagamit ang isang sopa para sa pag-upo, maaari itong magamit para sa pagtulog. Sa mga bahay, ang mga sopa ay karaniwang inilalagay sa silid ng pamilya, sala, lungga o silid pahingahan. Minsan matatagpuan din ang mga ito sa mga kinaroroonang hindi tirahan tulad ng mga otel, bulwagan ng mga komersiyal na tanggapan, silid-hintayan, at mga bar.