Tagagamit:Pilipinoako 2003/Edukasyon sa Pilipinas

Alternative Learning System (Philippines)

Philippine School for the Deaf sa Pasay, noong Abril 2019.

Ang Alternative Learning System (o mas tinatawag na ALS) sa Pilipinas ay tumutugon sa mga pangangailangan ng mga walang akses sa pormal na edukasyon o mga hindi pa nakatatanggap ng wastong pagtuturo mula sa mga tradisyonal na institusyong pang-edukasyon dulot ng samu’t saring dahilan. Ayon sa Department of Education (DepEd), ang ALS ay isang programang laddered at modular non-formal education para sa mga dropout sa elementarya at sekondaryang paaralan. Ang programa ay nagbibigay-daan sa mga mag-aaral na dumalo sa mga klase na naaayon sa kanilang nais na iskedyul, lalo na para sa mga kasalukuyang nagtatrabaho.

Bagama't katulad ng mga institusyong nagtuturo ng pormal na edukasyon, magkakaroon ng diagnostic test para sa lahat na lalahok upang masukat ang antas ng kanilang mga kasanayan na kailangan sa bawat baitang. Kung may mga taong nangangailangang makakuha ng mahahalagang kasanayan, tulad ng pagbabasa at pagsusulat, magkakaroon ng karagdagang programa na tutulong sa kanila upang matutunan muna nila ang mga pangunahing kaalaman bago sila kukuha ng diagnostic test. May espesipiko na bilang ng oras ang kakailanganin ng mag-aaral upang matapos ang programa. Magkakaroon ng panghuling pagtatasa upang subukan ang komprehensibong kaalaman ng mag-aaral. Kung makapasa ang estudyante, bibigyan sila ng sertipiko na nilagdaan ng kalihim ng Kagawaran ng Edukasyon, na nagpapahintulot sa kanila na mag-aplay para sa mga digri sa kolehiyo, trabaho, at pormal na mga programa sa pagsasanay. Maaari silang muling mag-enroll sa elementarya/sekondaryang edukasyon sa mga institusyong nag-aalok ng pormal na edukasyon.

Ang hindi pormal na teknikal at bokasyonal na edukasyon ay ipinapalagay ng mga institusyong karaniwang kinikilala at inaprobahan ng TESDA: mga programang center-based, programang community-based at pagsasanay na enterprise-based, o ang Alternative Learning System (ALS). Ang mga institusyong ito ay maaaring pinamamahalaan ng pamahalaan, kadalasan ng isang lokal na pamahalaan, o pinamamahalaan ng mga pribadong organisasyon. Maaari silang mag-alok ng mga programa mula sa ilang linggo hanggang dalawang taong kursong diploma. Sa pagtatapos ng karamihan sa mga kursong ito, ang mga mag-aaral ay kumukuha ng eksaminasyon mula sa TESDA upang makuha ang kaukulang sertipiko o diploma. [[Kategorya:Edukasyon sa Pilipinas]]