Unibersidad ng Pennsylvania
![](http://upload.wikimedia.org/wikipedia/commons/thumb/7/7f/Upper_Quad_Gate_in_the_fall.jpg/220px-Upper_Quad_Gate_in_the_fall.jpg)
Ang University of Pennsylvania (karaniwang kilala bilang Penn o UPenn) ay isang pribadong, Ivy League na unibersidad sa pananaliksik na matatagpuan sa Philadelphia, Estados Unidos. Ininkorpora bilang The Trustees of the University of Pennsylvania, ang Penn ay isa sa 14 unang miyembro ng Association of American Universities at isa sa siyam na orihinal na mga kolehiyong kolonyal.[2]
Ang mga paaralan ng Penn ay may napakataas na aktibidad ng pananaliksik.[3] Sa piskal na taong 2015, ang akademikong badyet ng Penn para sa pananaliksik ay $851 milyon, na kinasasangkutan ng higit sa 4,300 mga guro, 1,100 postdoctoral fellows at 5500 pansuportang kawani/katuwang panggradwado.[4] 30 Nobel laureates ang may kaugnayan sa Penn. Sa paglipas ng kasaysayan nito, ang unibersidad ay nakapagpatapos ng maraming prominenteng alumni.[5][6]
Ang Unibersidad ay itinuturing bilang ika-apat na pinakamatandang institusyon ng mas mataas na edukasyon sa Estados Unidos,[note 1] pati na rin ang unang unibersidad sa Estados Unidos na may parehong programa para sa undergraduate at graduate na antas.
Karatig ng Penn ang Unibersidad ng Drexel at ito ay malapit sa University of the Sciences in Philadelphia. Ang kilalang cancer research center na Wistar Institute ay matatagpuan din sa kampus. Noong 2014 ang bagong gusaling glass and steel ay nakumpleto sa tabi ng makasaysayang 117-taong lumang gusaling ladrilyo ng Instituto na nagpapalawak pa sa umiiral na kolaborasyon ng universidad at Wistar Institute.[7]
Kilalang alumni
[baguhin | baguhin ang wikitext]-
Noam Chomsky - nag-aral ng pilosopiya at lingguwistika sa Penn at nakatanggap ng BA (1949), MA (1951), at PhD (1955).
-
Ang manggagamot at makatang si William Carlos Williams ay nag-aral sa Penn's School of Medicine.
Mga tala
[baguhin | baguhin ang wikitext]- ↑ Penn is the fourth-oldest using the founding dates claimed by each institution.
Mga sanggunian
[baguhin | baguhin ang wikitext]- ↑ Strawbridge, Justus C. (1899).
- ↑ Brownlee, David B.; Thomas, George E. (2000).
- ↑ "2010 Performance Ranking of Scientific Papers for World Universities".
- ↑ "Penn: Penn Facts" Naka-arkibo 2010-02-26 sa Wayback Machine..
- ↑ "Top 20 Colleges with the most billionaire alumni".
- ↑ "Which Universities Produce the Most Billionaires?" Naka-arkibo 2014-12-31 sa Wayback Machine.
- ↑ Clarke, Dominique (September 26, 2011).