Eliseo

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Disambig colour.svg Nakakarga ang "Eliseo" dito. Para sa ibang gamit, tingnan ang Eliseo (paglilinaw).
Imaheng Ruso ni Eliseo (ika-18 siglo, Monasteryo ng Kizhi, Rusya)

Si Eliseo (Ingles at Ebreo: Elisha)[1] ay isang propeta na binabanggit sa Hudyo-Kristiyanong Bibliya at sa Koran ng mga Muslim. Bilang propeta sa Islam, siya karaniwang kilala sa kaniyang pangalang Arabe na Alyasa.

Hudeo-Kristiyanong Pananaw[baguhin | baguhin ang batayan]

Si Eliseo ay anak ni Shapat ng Abel-meholah; siya ay naging alalay at disipulo ni Elias (3 Hari 19: 16–19), at matapos si Elias na higupin ng ipu-ipo, siya ay hinirang bilang pinuno ng mga anak ng mga propeta, at naging bantog sa Israel. Nagtaglay siya, dahil sa kaniyang sariling hiling, ng "dobleng piraso" ng espiritu ni Elias (4 Hari 2:9); at sa loob ng animnapung taon (892–832 BC), siya ang nagsilbing "propeta ng Israel" (4 Hari 5:8).

Islamikong Pananaw[baguhin | baguhin ang batayan]

Si Eliseo (Arabe: Al-Yasha) ay isang Islamikong propeta na nababanggit sa Koran. Kinikilala siya ng mga Muslim bilang kahaliling propeta ni Elias (3 Hari 19:16), na kilala sa Islam bilang Ilyas. Tinatala ng Koran si Elisha bilang isang kasapi ng "samahan ng mabubuti,"[2] at saka bilang isang "taong pinahahalagahang higit pa sa lahat ng mga bayan."[3] Pinaniniwalaan ng mga eksperto ng Klasikong Islam na ang kaangkanan ni Elias sa pamamagitan ng kaniyang ama, na sa tradisyong Islamiko ay pinangalanang Ukhtub, ay mababakas sa mga supling ni Aaron.[4]

Ang puntod ni Eliseo ay pinaniniwalaan ng ilang mga Muslim na matatagpuan sa baryo ng Al-Awjam, ngunit ito ay hindi pa tuluyang napapatunayan.

Tignan din[baguhin | baguhin ang batayan]

Talasanggunian[baguhin | baguhin ang batayan]

  1. Sa Silanganing Ortodoksiya siya ay kilala bilang Saint Eliseus, at sa ilang mga Katoliko Romano bilang Eliseus; gayumpaman, ang wastong anyo ng pangalan niya sa Ingles ay laging "Elisha", nakaugalian na mula pa noong pagkalathala ng Bibliyang King James.
  2. Koran 38:48
  3. Koran 6:86
  4. Stories of The Prophets, Ibn Kathir, The Story of Elisha.



Relihiyon Ang lathalaing ito na tungkol sa Relihiyon ay isang usbong. Makatutulong ka sa Wikipedia sa pagpapalawig nito.