James K. Polk

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
James Knox Polk
James K. Polk

Panunungkulan
Marso 4, 1845 – Marso 4, 1849
Pangalawang Pangulo George M. Dallas (1845-1849)
Sinundan si John Tyler
Sinundan ni Zachary Taylor

Panunungkulan
Oktubre 14, 1839 – Oktubre 15, 1841
Sinundan si Newton Cannon
Sinundan ni James Chamberlain Jones

Panunungkulan
Disyembre 7, 1835 – Marso 4, 1839
Pangulo Andrew Jackson
Martin Van Buren
Sinundan si John Bell
Sinundan ni Robert M. T. Hunter

Kasapi ng Kabahayan ng mga Kinatawan ng E.U.
mula sa ika-6 na distrito ng Tennessee
Panunungkulan
Marso 4, 1825 – Marso 3, 1833
Sinundan si John A. Cocke
Sinundan ni Balie Peyton

Kasapi ng Kabahayan ng mga Kinatawan ng E.U.
mula sa ika-9 na distrito ng Tennessee
Panunungkulan
Marso 4, 1833 – Marso 3, 1839
Sinundan si William Fitzgerald
Sinundan ni Harvey M. Watterson

Kapanganakan 2 Nobyembre 1795(1795-11-02)
Pineville, North Carolina
Kamatayan 15 Hunyo 1849 (edad 53)
Nashville, Tennessee
Kabansaan Amerikano (US)
Partidong politikal Demokratiko
Asawa Sarah Childress Polk
Alma mater Pamantasan ng Hilagang Carolina sa Chapel Hill
Hanapbuhay Abogado, Magsasaka (Plantero)
Relihiyon Metodista
Lagda Lagda ni James K. Polk


Si James Knox Polk [bigkas sa apelyido: powk] (Nobyembre 2, 1795 – Hunyo 15, 1849) ay ang ika-labing-isang pangulo ng Estados Unidos, nanilbihan mula Marso 4, 1845 hanggang Marso 4, 1849. Isinilang siya sa Mecklenburg County, North Carolina, subalit mas namuhay sa at kinatawan niya ang estado ng Tennessee. Bilang isang Demokrata, naglingkod siya bilang Tagpagsalita ng Kabahayan ng mga Kinatawan mula 1835 hanggang 1839, at bilang Gobernador ng Tennessee mula 1839 hanggang 1841 bago maging presidente.

Talambuhay[baguhin | baguhin ang batayan]

Isinilang si Polk noong 1795, at nakapagtapos ng pag-aaral mula sa Pamantasan ng North Carolina noong 1818. Natanggap siya sa bar ng mga abogado noong 1820 at nagsimulang magtrabaho bilang manananggol noong taong ding iyon sa Columbia, Tennessee. Noong 1823, nahalal siya sa Batasan ng Tennessee. Pinakasalan niya si Sarah Childress noong 1824. Mula 1825 hanggang 1839, naglingkod siya sa Kabahayan ng mga Kinatawan ng Estados Unidos. Nanilbihan siya bilang gobernador ng Tennessee mula 1839 hanggang 1841. Nagsilbi naman siya bilang pangulo ng Estados Unidos simula 1845 magpahanggang 1849. Sumakabilang-buhay siya noong 1849, habang nasa Nashville, Tennessee.[1]

Larangan[baguhin | baguhin ang batayan]

Si Polk ang pinakaunang "maitim na kabayo" o hindi gaanong kilalang kandidato na nananalo sa pagka-pangulo ng Estados Unidos; hindi niya inaasahang magagapi niya si Henry Clay sa halalan ng 1844. Sa edad na 49, siya rin ang pinakabatang pangulo ng Estados Unidos sa kaniyang kapanahunan. Sa panahon ng kaniyang panunungkulan bilang pangulo, idinagdag niya sa Estados Unidos ang isang malawak na rehiyon ng lupaing mula sa Rocky Mountains ("Mabatong Bulubundukin") hanggang sa may Karagatang Pasipiko. Kinamuhan siya ng mga kalalakihang laban sa pang-aalipin noong kaniyang kapanahunan, sapagkat pinaniniwalaan nilang ibig lamang niyang palawigin ang nasasakop ng pang-aalipin. Subalit hindi ito tinatanggap ng mga dalubhasang gumawa ng pag-aaral hinggil kay Polk, at inihanay nila si Polk bilang isa sa sampung magigiting na mga pangulong Amerikano.[1]

Sanggunian[baguhin | baguhin ang batayan]