Kauriang leksikal

Sa balarila, ang kauriang leksikal (tradisyunal na tinatawag bilang bahagi ng pananalita) ay isang lingguwistikong kaurian ng mga salita (o mas tumpak na bahaging leksikal), na pangkalahatang binibigyan kahulugan sa pamamagitan ng sintaktiko o morpolohikong gawa ng bahaging leksikal na tinutukoy.

Bahagi ng pananalita sa wikang Filipino

Mayroong sampung bahagi ng pananalita sa Filipino. Ito ang pangngalan, panghalip, pandiwa, pangatnig, pang-ukol, pang-angkop, pang-uri, pang-abay, pantukoy at pangawil o pangawing.

• Pangngalan - (noun) mga pangalan ng tao, hayop, pook, bagay, pangyayari. Ginamit ito sa pagtawag sa pangalan ng mga hayop, tao, atbp. Halimbawa: Corazon Aquino, bata, babae
• Panghalip - (pronoun) paghalili sa pangngalan. Halimbawa: ako, ikaw, siya, atin, amin, kanya.
• Pandiwa - (verb) bahagi ng pananalita na nagsasaad ng kilos. Halimbawa: sayaw, tuwa, talon.
• Pangatnig - (conjunction) ginagamit para ipakita ang relasyon ng mga salita sa pangungusap. Halimbawa: dahil, maging, man, gawa ng, upang, nang, para, samantala atbp.
• Pang-ukol - (preposition) ginagamit kung para kanino o para saan ang kilos.
• Pang-angkop- (ligature) bahagi ng pananalita na ginagamit para maging maganda pakinggan ang pagkakasabi ng pangungusap. Halimbawa: na, ng, g. magandang bata.
• Pang-uri (adjective) - naglalarawan ng katangian ng pangngalan o panghalip. Halimbawa: Magandang bata.
• Pang-abay - (adverb) naglalarawan sa pang-uri, pandiwa at kapwa nito pang-abay
• Pantukoy - (article o determiner ) tinutukoy ang relasyon ng paksa at panag-uri sa pangungusap
• Pangawing - (linker)