Mga Pilipino sa Olanda

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Mga Pilipinos sa Olanda
Kabuoang populasyon

5,500–18,000[1][2][3]

Mga rehiyong may mahahalagang mga bilang
Mga wika
Tagalog, iba pang mga wikang Pilipino, Olandes, Ingles
Pananampalataya
Romano Katoliko, Protestantismo, Islam, at iba pa
Kaugnay na mga pangkat-etniko
mamamayang Pilipino, Mga Pilipinong nasa ibayong dagat

Ang mga Pilipino sa Olanda o mga Pilipino sa Nederland ay mga mandarayuhan (imigrante) o kaya mga kaapu-apuhan ng mga Pilipino sa Olanda. Dahil sa mayroon ang mga Pilipino ng mga apelyidong Kastila, maaaring mapagkamalan ang mga taong Euro-Asyanong may mga apelyidong may mga amang Pilipino at Olandesa o iba pang hindi Kastilang puting mga ina bilang mga Kastilang Olandes. Nasa pagitan ng 5,500 at 18,000 mga Pilipino, kapwa mga isinilang sa Pilipinas ngunit lumisan sa bansa at mga ipinanganak sa Olandang kaapu-apuhan ng mga Pilipino ang namumuhay sa Olanda.[2][3] Bagaman namumuhay sila sa iba't ibang bahagi ng bansa, tahanan para sa pinakamalaking bilang ng mga pamayanang Pilipino ang Amsterdam at Rotterdam.[2]

Kasaysayan[baguhin | baguhin ang batayan]

Nakarating sa Olanda ang unang Pilipinang nagpakasal at namuhay doon noong 1947 para maghanapbuhay sa isang ospital.[1][2] Noong mga 1960, isang mas malaking bilang ng mga Pilipino ang dumating upang magtrabaho sa mga ospital sa Leiden at Utrecht, maging sa mga pagawaan ng damit sa Achterhoek.[2] Mula noong, karamihan sa mga Pilipinong nagpupunta sa Olanda ay mga manggagawang may kontrata, mga mag-aaral para sa mas mataas na antas ng edukasyon, o mga trabahador sa larangan ng medisina.[2] Nalikha noong 1965 ang unang Olandes Pilipinong organisasyon, ang Philippine Nurses Association of the Academisch Ziekenhuis in Leiden o Asosasyon ng mga Pilipinong Nars ng Akademya ng Ziekenhuis sa Leiden.[4] Pagkaraan nito, nabuo pa ang iba pang mga samahan, katulad ng Dutch-Philippine Association at Dutch-Philippine Club, at mahigit na sa 20 ganyang mga Olandes-Pilipinong mga organisasyon ang umiiral ngayon sa Olanda.[4]

Sa kasalukuyan[baguhin | baguhin ang batayan]

Sa araw-araw, tinatayang may mga 300 hanggang 500 mga Pilipino mandaragat ang dumaraan sa mga daungang Olandes,[1] at isang ikatlo ng mga au pair (o au pairs, Pranses para sa katulong sa bahay) sa Olanda ay mga Pilipinang bumibilang sa 1,500.[5] Bilang dagdag, may 500 mga Pilipino ang nagtatrabaho sa mga batalang langisan (mga oil rig sa Ingles) sa dagat sa Hilagang Karagatan.[5] Mahigit sa 80 mga Pilipinong estudyante ang nag-aaral sa mga pamantasang Olandes upang makapagkamit ng mga degring pang-Maestro (Dalubhasa) o Duktorado.[6] Sa kasalukuyan, ang naninirahan sa Olanda si Jose Maria Sison - isang Komunistang Pilipinong politiko na tinawag ng Estados Unidos at ng Unyong Europeo bilang isang "taong tumatangkilik ng terorismo".[7][8]

May dalawang pangunahing mga lathalaing Pilipino sa Olanda, ang Philippine Digest at ang Munting Nayon.[1]

Ang pagkakaroon ng malaking bilang ng mga Pilipinong naninirahan sa Olanda ang naging isa sa mga kabahaging dahilan ng pagpapataas ng KLM ng bilang ng mga tuwirang paglipad ng mga eroplano patungo sa Pandaigdigang Paliparang Diosdado Macapagal (sa Lungsod ng Angeles at Pandaigdigang Paliparang Ninoy Aquino (sa Maynila) hanggang pito bawat linggo sa bawat isa, at pito bawat linggo sa lahat ng iba pang mga paliparang Pilipino.[9]

Sanggunian[baguhin | baguhin ang batayan]

  1. 1.0 1.1 1.2 1.3 "A BRIEF HISTORY OF PHILIPPINE - NETHERLANDS RELATIONS". The Philippine Embassy in The Hague. 2008. http://philembassy.nl/default.asp?iId=KHKDG. Hinango noong 2009-01-17. 
  2. 2.0 2.1 2.2 2.3 2.4 2.5 Palpallatoc, Mercy. "Filipino residents in the Netherlands". FFON. http://archive.is/20121128203943/http://webcache.googleusercontent.com/search?q=cache:DKdQY2e8k98J:www.ffon.org/documents/residents.doc+Filipinos+netherlands&hl=en&ct=clnk&cd=2&gl=us. Hinango noong 2009-01-17. 
  3. 3.0 3.1 Werning, Rainer (2009-09-04). "Netherlands-Philippines State Terrorism attacks Filipino Revolutionaries". Radical Notes. http://radicalnotes.com/content/view/55/39/. Hinango noong 2009-01-17. 
  4. 4.0 4.1 Flores-Valenzuela, Orquidia. "History of the Filipino Community". Munting Nayon News Magazine. http://www.mnnetherlands.com/mn/articles/filhistory5.php. Hinango noong 2009-01-17. 
  5. 5.0 5.1 "Filipino Migration to Europe: Country Profiles". Philippine International Migration:Issues and Concerns of the Filipino Migrants in the Netherlands. CFMW. 1997-11-24. http://www.philsol.nl/of/country-profiles.htm. Hinango noong 2009-01-17. 
  6. Galicia, Loui (2009-01-23). "Pinoy scholar in Holland continues to inspire". Sikat ang Pinoy. http://www.sikatangpinoy.com/pinoy-scholar-in-holland-continues-to-inspire.html. Hinango noong 2009-01-17. 
  7. Toms, Sarah (2006-07-26). "Philippines' death penalty debate". BBC News. http://news.bbc.co.uk/2/hi/asia-pacific/5117128.stm. Hinango noong 2009-01-17. 
  8. Terrorism knowledge base, tkb.org
  9. "Philippines, Netherlands boost two-way air flights". ASEAN Affairs. 2008-07-14. http://www.aseanaffairs.com/page/philippines,_netherlands_boost_two-way_air_flights. Hinango noong 2009-01-17. 


Panlabas na mga kawing[baguhin | baguhin ang batayan]