Amsterdam

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Talaksan:Sights in Amsterdam2.jpg
Lungsod ng Amsterdam, Olanda.
Watawat

Ang Amsterdam (bigkas: AMS-ter-dam) ay ang kabisera at pinakamalaking lungsod sa Olanda. Ang kasalukuyang tungkulin ng Amsterdam bilang kabisera ng Kaharian ng Olanda ay pinangangasiwaan ng saligang-batas ng 24 Agosto 1815 at mga kasunod[1] nito. Ang Amsterdam ay may populasyon[2] na 780,152 sa loob ng pinaka-lungsod, 1.2 milyon kung kasama ang mga karatig-pook at 2.1 milyon naman sa buong kalakhan. Ang lungsod ay nasa lalawigan ng Hilagang Olanda sa bandang kanluran ng bansa. Kinalalagyan nito ang hilagang bahagi ng Randstad, and ika-anim na pinakamataong kalakhan sa Europa, na may populasyon na 8.1 milyon ayon sa ilang mga pagtataya.

Ang pangalan nito ay kinuha mula sa Amstelredamme[3], na nagsasabi ng pinagmulan ng lungsod: isang dam ("pang-harang") sa Ilog Amstel. Tinirahan habang isang maliit na bayang palaisdaan noong kahulihan ng ika-12 siglo, ang Amsterdam ay naging isa sa pinakamahalagang daungan sa daigdig noong Ginintuang Panahon ng mga Olandes, na dala ng pag-unlad sa kalakalan. Noong mga panahong iyon, ang lungsod ay nangunguna pagdating sa pinansiya at mga dyamantes.[4] Noong ika-19 at ika-20 siglo, lalong lumawak ang lungsod, at maraming bagong mga pamayanan at karatig-pook ang naitaguyod. Ang mga daang-tubig (Inggles: canal; Olandes: Grachtengordel) na ginawa noong ika-17 siglo ay idinagdag sa UNESCO World Heritage List noong Julyo 2010.

Mga Kawing Panlabas[baguhin]

Talasanggunian[baguhin]

  1. Dutch Wikisource. "Grondwet voor het Koningrijk der Nederlanden (1815) (Dutch)". Retrieved 2 Mayo 2008.
  2. "Facts and Figures". I amsterdam. Retrieved 1 Hunyo 2011.
  3. Encyclopædia Britannica Eleventh Edition, Vol 1, p896-898.
  4. Cambridge.org, Capitals of Capital -A History of International Financial Centres – 1780–2005, Youssef Cassis, ISBN 978-0-521-84535-9



Olanda Ang lathalaing ito na tungkol sa Olanda ay isang usbong. Makatutulong ka sa Wikipedia sa pagpapalawig nito.