Kabisera

Mula sa Tagalog na Wikipedia, ang malayang ensiklopedya

Ang Quezon City ang dating kapital ng Pilipinas. Ipinangalan ito sa dating pangulong Manuel L. Quezon na siya ring tinaguriang “Ama ng Wikang Pambansa”.

Ang kabisera (o punong lungsod/bayan/munisip(i)yo o kapital) ay ang pangunahing yunit pangheopolitika na naiuugnay sa gobyerno at mga operasyon nito. Ito ay maaring lungsod na pisikal na sumasakop sa tanggapan at himpilan o pulungan ng mga nakaupo sa pwesto ng pamahalaan o alinsunod sa isinasaad ng batas. Ang ugat ng salitang ‘kapital’ ay hango sa Latin na caput na nangangahulugang “ulo” at naiuugnay sa katawagang ‘kapitol’ na siya namang gusali na pag-aari at kinagaganapan ng mga operasyong kaugnay o kinababahagian ng pamahalaan.

Halimbawa:

• Ang kabisera ng Pilipinas ay Maynila.
• Ang kabisera ng La Union ay San Fernando.
• Ang kabisera ng Davao Oriental ay Mati.

Mayroong ibang bansa na higit sa isa ang kabisera (hal. Timog Afrika) at mayroon ding iba pa na walang opisyal na kabisera (hal. UK).