Patakaran sa bisa ng Pilipinas

Mga tatak sa pasaporte ng pagpasok at paglabás sa Pilipinas

Ang patakaran sa bisa ng Pilipinas ay isinasaad sa Batas Komonwelt Blg. 613, na tinatawag ding Batas sa Imigrasyon ng Pilipinas, at ilan pang batas na nagsusog dito. Magkasama itong ipinapatupad ng Kagawaran ng Ugnayang Panlabas at Kawanihan ng Imigrasyon, bagaman ang mga pagbibigay ng bisa ay tanging kapangyarihan ng Kawanihan ng Imigrasyon.

Sa pangkalahatan, ang mga dayuhang mamamayan na nagnanais na makapasok sa Pilipinas ay nangangailangan ng bisa, liban na lang kung:

• Siya'y mamamayan ng isang bansang kasapi ng Association of Southeast Asian Nations (ASEAN)
• Siya'y mamamayan ng isang bansang di-kasapi ng ASEAN na pinapayagang pumasok sa Pilipinas nang walang bisa.
• Siya'y balikbayan at pansamantalang babalik lang sa Pilipinas.