26 Martir ng Hapon
| 26 Martir ng Hapon | |
|---|---|
 26 Martir ng Hapon | |
| 26 Martir ng Hapon | |
| Kamatayan | 5 February 1597, Nagasaki, Japan |
| Pinipintuho sa | Catholic Church Anglican Church Lutheran Church |
| Beatipikasyon | 14 September 1627, Vatican City |
| Kanonisasyon | 8 June 1862, Vatican City ni Pope Pius IX |
| Kapistahan | 6 February |
Ang Dalawampu't Anim (26) na Martir ng Hapon 日本二十六聖人 (Nihon Nijūroku Seijin) ay isang pangkat ng mga Katoliko na nesentensyahan ng pagpapako sa krus ni Toyotomi Hideyoshi noong Pebrero 5, 1597 (unang taon ng Keicho), sa Nagasaki. Ang kanilang pagka-martir ay naging makabuluhan sa kasaysayan ng Simbahang Katoliko sa bansang Hapon. Ito ang kauna-unahang pagkakataon na ang pagpapatupad ng isang utos mula sa pinakamataas na awtoridad ay isinasagawa sa Japan dahil sa pananampalataya na Kristiyano. Ang kaganapang ito ay tinatawag na "26 martyrdom", ngunit tinawag din na "San Pablo Miki at kanyang mga kaibigan" sa mga bansa sa Kanluran. Dalawampu't anim ang naidagdag sa linya ng santo ng Simbahang Katoliko, kaya tinawag silang "26 santo ng Hapon" o Dalawampu't Anim (26) na Martir ng Hapon.[1] Ang anibersaryo na liturikal ng Katoliko ay ika-5 ng Pebrero (sa Kanluran, ika-6 ng Pebrero).
Unang Kristiyanismo sa Japan
[baguhin | baguhin ang wikitext]Noong Agosto 15, 1549, ang paring Heswita na si Francis Xavier (kalaunan ay itinanghal na santo ni Papa Gregorio XV noong 1622), sina Cosme de Torres, at Juan Fernández (missionary) ay dumating sa Kagoshima, bansang Hapon, mula sa Espanya na may pag-asang magdala ng Katolisismo sa Japan.[2] Noong Setyembre 29, binisita ni San Francis Xavier si Shimazu Takahisa, ang daimyō ng Kagoshima, na humihiling ng pahintulot upang maitaguyod ang unang misyon ng Katoliko sa Japan. Pumayag ang daimyō sa pag-asang lumikha ng isang pakikipag-ugnayan sa kalakalan sa Europa.
Ang shogunate at ang imperyal na pamahalaan ay suportado noong una ang misyon ng Katoliko at ang mga misyonero, na iniisip na bawasan nila ang kapangyarihan ng mga mongheng Budista, at makakatulong sa pangangalakal sa Espanya at Portugal. Sa huling bahagi ng 1500, sinimulan ng pamahalaan na maging maingat sa impluwensyang dayuhan; nababahala din ang shogunate tungkol sa kolonyalismo.[3] Lalo nang nakita ng gobyerno ang Katolisismo bilang banta, at sinimulan ang pag-uusig sa mga Katoliko. Ipinagbawal ang Kristiyanismo, at ang mga Hapon na tumanggi na iwanan ang kanilang pananampalataya sa Kristiyanismo ay pinapatay.[4]
Pagka-martir
[baguhin | baguhin ang wikitext]
Matapos ang insidente ng San Felipe noong 1596, [5] dalwampu't anim (26) na mga Katoliko - apat na Kastila, isang Mehiko, isang Portuges mula sa India (ang lahat ay mga misyonerong Franciscano), tatlong Hapones na Heswita, at 17 na Hapones na miyembro ng Third Order of St. Francis. Kasama ang tatlong batang batang lalaki - ay iniutus ang pagpatay sa pamamagitan ng pagpapako sa krus sa Nagasaki sa utos ni Hideyoshi Toyotomi[6] noong Pebrero 5, 1597. Ang mga taong ito ay itinaas sa krus at pagkatapos ay tinusok ng mga sibat. Matapos ang pag-uusig ng 1597, nagkaroon ng kalat-kalat na mga pagkakataon ng pagkamartir hanggang sa 1614, umabot ang lahat sa bilang na pitumpo (70).[7] Limapu't limang (55) mga Katoliko ang naging martir sa Nagasaki noong Setyembre 10, 1632, ito ay nakilala bilang ang Great Genna Martyrdom. Sa panahong ito ay opisyal ng ipinagbabawal ang Katolisismo. Ang mga Simbahan ay nanatili nang walang klero at ang teolohikong pagtuturo ay naglaho hanggang sa muling pagdating ng mga misyonerong galing Kanluran noong ika-19 na siglo. Ang tanyag nobelang Katahimikan ni Shūsaku Endō, na nakuha mula sa mga pagsasalaysay ng kasaysayan ng mga pamayanang Katoliko ng Hapon, ay nagbibigay ng detalyadong mga ulat tungkol sa pag-uusig sa mga pamayanang Katoliko at pagsugpo sa Simbahan.
Pagkilala
[baguhin | baguhin ang wikitext]
Habang mayroong maraming higit pang mga martir, ang unang 26 na misyonero at mananampalatayang martir ay iginagalang, ang pinakasikat sa kanila ay si Pablo Miki. Ang mga Martir ng Hapon ay ginawang santo ng Simbahang Katoliko noong Hunyo 8, 1862, ni Papa Pio IX[8] at nakalista sa kalendaryo bilang San Pablo Miki at ang kanyang mga Kasamahan, na ginawang noong ika-6 ng Pebrero, sapagkat ang ika-5 ng Pebrero, ang petsa ng kanilang pagkamatay, ay ang kapistahan ni Santa Agatha. Kasama sila sa Pangkalahatang Kalendaryo ng Romano sa kauna-unahang pagkakataon noong 1969. Noon ay pinarangalan lamang sila sa lokal, ngunit walang espesyal na Misa para sa kanila kahit sa Missae pro aliquibus locis (Mga misa para sa ilang mga lugar) na bahagi ng 1962 Roman Missal.[9]Ang ilang mga paglalathala sa ika-21 siglo na batay dito ay mayroong Misa sa ilalim ng Pebrero 13..[10][11]
Ipinagdiriwang din ng Simabahan ng Inglatera ang panalangin sa mga martir ng Hapon sa Pebrero 6. Ang Anglican Church sa Japan (Nippon Sei Ko Kai), isang miyembro ng Komunion na Anglican, ay idinagdag sila sa kalendaryo nito noong 1959 tuwing Pebrero 5 para sa paggunita ng lahat ng mga martir ng Hapon. Ang Evangelical Lutheran Church sa Amerika ay nagdagdag ng din paggunita tuwing Pebrero 5 sa kanilang kalendaryo.
Ang Church of the Holy Japanese Martyrs (Civitavecchia, Italya) ay isang simbahang Katoliko na nakatuon sa 26 Martir ng Nagasaki. Pinalamutian ito ng likhang sining ng artistang Hapon na si Luke Hasegawa.
Tala ng mga Martir
[baguhin | baguhin ang wikitext]
Dayuhang Franciscanong missionaryo – Alcantarines
[baguhin | baguhin ang wikitext]- San Martin ng Ascension
- San Pedro Bautista
- San Felipe ni Hesus
- San Francisco Blanco
- San Francisco ng San Miguel
- San Gundisalvus (Gonsalvo) Garcia
Franciscanong Hapon sa ikatlong estado
[baguhin | baguhin ang wikitext]- San Antonio Dainan
- San Bonaventura ng Miyako
- San Cosmas Takeya
- San Francisco ng Nagasaki
- San Francisco Kichi
- San Gabriel de Duisco
- San Joachim Sakakibara
- San Juan Kisaka
- San Leo Karasumaru
- San Luis Ibaraki
- San Matthias ng Miyako
- San Miguel Kozaki
- San Pablo Ibaraki
- San Pablo Suzuki
- San Pedro Sukejiroo
- San Tomas Kozaki
- San Tomas Xico
Heswitang Hapon
[baguhin | baguhin ang wikitext]- San Santiago Kisai
- San Juan Soan de Goto
- San Pablo Miki
Sanggunian
[baguhin | baguhin ang wikitext]- ↑ "日本二十六聖人". カトリック高槻教会. Nakuha noong 2019-06-18.
{{cite web}}: CS1 maint: date auto-translated (link) - ↑ Astrain, Antonio. "St. Francis Xavier." The Catholic Encyclopedia Vol. 6. New York: Robert Appleton Company, 1909. 12 February 2019
- ↑ ""Site of the Martyrdom of the 26 Saints of Japan", Visit Nagasaki". Inarkibo mula sa orihinal noong 2019-02-07. Nakuha noong 2019-11-10.
{{cite web}}: CS1 maint: date auto-translated (link) - ↑ Jansen, Marius (2000). The Making of Modern Japan. Harvard University Press.
{{cite book}}: CS1 maint: date auto-translated (link) - ↑ Kennedy, Thomas. "Nagasaki." The Catholic Encyclopedia Vol. 10. New York: Robert Appleton Company, 1911. 6 May 2018
- ↑ "Martyrs List". Twenty-Six Martyrs Museum. Inarkibo mula sa orihinal noong 2010-02-14. Nakuha noong 2010-01-10.
{{cite web}}: CS1 maint: date auto-translated (link) - ↑ Delplace, Louis. "Japanese Martyrs." The Catholic Encyclopedia Vol. 9. New York: Robert Appleton Company, 1910. 29 March 2019
- ↑ Heckmann, Ferdinand. "Sts. Peter Baptist and Twenty-Five Companions." The Catholic Encyclopedia Vol. 11. New York: Robert Appleton Company, 1911. 6 May 2018
- ↑ In the 1962 typical edition of the Roman Missal Naka-arkibo 2008-08-28 sa Wayback Machine., page [143], the text goes directly from the Mass of St. Francis de Sales (January 29) to that of St. Margaret of Cortona (February 22).
- ↑ The Daily Missal and Liturgical Manual. London: Baronius Press. 2008. pp. 1722–1723. ISBN 978-0-9545631-2-7.
{{cite book}}: CS1 maint: date auto-translated (link) - ↑ The Roman Catholic Daily Missal. Kansas City, Missouri: Angelus Press. 2004. pp. 1637–1638. ISBN 1-892331-29-2.
{{cite book}}: CS1 maint: date auto-translated (link)